Nurbolhan Sharapov: Halyq bılikke kerek emes

8018
Adyrna.kz Telegram

Ázilkesh Nurbolhan Sharapov «vakınany óz erkimen saldyrǵan qazaqstandyq qaza tapsa, 500 myń teńge tólenedi» degen aqparatqa qatysty pikirin bildirdi. Ol bul týraly Instagram jelisindegi resmı paraqshasynda jazdy.

«Instany ashsań saıasat! Bılik halyqqa kerek emes, halyq bılikke kerek emes bop tur. Adamnyń qunyn 500 myń qylǵannan keıin ne aıtasyń?! Bazardaǵy jylqynyń qunynyń ózi 600-650 myń. Maldyń baǵasyna da jetpedi ǵoı qunymyz. Keshegi sumdyq zańdy qozǵaýǵa júıkem shydamaıdy tipti. Depýtattardy halyq saılamaǵany anyq. Qarapaıym ant sýyn ishe almaǵan adamnan ne haıyr kútýge bolady? Sol zańdy shet elden alyp kelip, barynsha engizýge tyrysyp jatqan depýtat, mınıstr qansha alady eken? Bul bılikte ádil, halqynyń qamyn jegen pende bolý úshin IMANDY, QUDAIDAN qorqatyn basshy kerek! Olaı bolmasa berekeńniń qashqany qashqan. Kileń qaltam tolsa boldy degen nıetpen júrgen jemqorlar. Sol júıe, sol komanda eldi basqaryp otyrǵan. Qashan toıady bular?! Kórlerińe alyp ketpeısińder ǵoı sol baılyqty. Suralasyńdar ǵoı! Shyryldap qalatyn qarapaıym halyq qana. Bizdiń depýtat, mınıstrlerge LOGIKA degenmen jumys jasaý kerek eken rasymen.

Jurttyń balasyn qarashy degendeı, jurttyń basshylaryna qarashy degiń keledi. Túrkııa basshysynyń halqyna aıtqan sózi unaıdy: - Qudaıdan basqa eshkimnen qoryqpa jalynba, tize búkpe. Meıli ol Prezıdent, basshy, olıgarh bolsyn dep. Mine, Qudaıyn tanyǵan adamnyń jón sózi.

Efıriń anaý azyp bitti. "El bolam deseń efırińdi túze!" dep shyryldap júrgenimizge neshe jyl boldy. Óńsheń geı, trans, jezókshe, LGBT-ny qalypty jaǵdaı etip sińirip, jarnamalap bitti. Reıtıng, ataq, aqsha úshin!

Kóp nárse jazǵym keledi. Syımaıdy myna jerge. Bári durystalý úshin bir dúmpý kerek pa sonda?! Nege ózdiginen, aqylmen, logıkamen sheshilmeı ketti problemalar? Qoǵam durystalý úshin ózimizden bastaıyqshy onda. Para surasa, "siz" bermeńiz. Jemqor bılikke talassa, "siz" daýys bermeńiz t.s.s.»,-dedi ol.

«Adyrna» ulttyq portaly

Pikirler