Kún saıyn qyzmet babymen qanshama adamdarmen jolyǵamyz, kezdeısoq kórisemiz. Pandemııadan qorqyp tursaq ta maski taqqan kúıi amandyq, saýlyq surasamyz. Sonda birqatary balasy AQSh-ta, nemese Kanada, nemese Londonda ekenin aıtyp jatady. “Oqýyn bitirgen soń sol jaqta qaldy” deıdi ókinishpen. Jatjurttyq bireýge úılenip kete me degen qorqynyshpen keri shaqyryp alǵandarynyń ózi jarty jyl, bir jyl ázer shydap, aqyry qoldaryn bir siltep, ózderi yńǵaıly kórgen shet eline tartyp otyrady eken.
Aıtatyn ýájderi: “Qazaqstanda jastardyń “kryshasyz” qyzmettik ósýine múmkindik joq”, “Jalaqysy mamandardyń shetelde alǵan bilim deńgeıinen áldeqaıda tómen”, “Korrýpııalyq bylyq-shylyqtar unamaıdy”, “Bastyqqa bilimnen góri jaǵympazdyq unaıdy”t.b.
Bári ras! Ókinishke qaraı biz osyndaı el bolashaǵyna senimizdiktiń aýyr saldaryn tarta bastadyq. Rejım aýysqanǵa deıin áli de tartatyn bolamyz.
Keshe ilinip-salynyp Parlament Májilisi men máslıhat depýtattarynyń saılaýy ótti. El tanıtyn birqatar adamdar “saılaýǵa bardyq, ózimiz qalaǵan partııaǵa daýys berdik” dep jer-jahanǵa jar salyp jatyr. Birqatar baıqaýshylardyń málimetinshe daýys berýshiler sany aıtarlyqtaı tómendegen. Tek Almatynyń ózinde daýys berý úshin tizimge alynǵandardyń 27,7 paıyzy ǵana kelgen. Bul kórsetkish umytpasam, elordada 44 paıyz, Shymkentte 53 paıyz bolypty. Kóp qalalarda 50 paıyzdyń ar jaq-ber jaǵy. Iaǵnı elektorattyń belsendiligi áldeqaıda tómendegeni baıqalady.
Halyq ótirik ýádelerden, kózboıaýshylyqtardan sharshaǵan. Onyń ústine qalaı daýys bersek te “Nur Otan” jeńedi ǵoı degen saıası sharasyzdyq. Búgingi ekzıt-pýl nómiri birinshi partııa 71 paıyz alǵanyn jarııalap ta qoıdy. Kúmán kóp. Biraq ákimshilik resýrs bir kisideı jumyldyrylǵan soń bizdiń elimizde basqasha bolýy da múmkin emes qoı.
“Kúrkirep kúndeı ótti ǵoı soǵys” demekshi, minekı, saılaý da artta qaldy. Bılik partııasynyń “oıdaǵydaı” kósh bastaǵanyn kózimiz kórdi. Búgin-erteń Májilis jasaqtalǵan soń Úkimet te doǵarysqa keter. Jańa Úkimet taǵaıyndalar. 2019 jylǵy Prezıdent saılaýynan soń Q.Toqaevqa ant bermegen kúsh qurylymdarynyń basshylary bıyl da oryntaqtaryn saqtap qalsa ótken jolǵydaı oǵan taǵy ant bere qoımas. Keıbir vedomstvo basshylary ózgergenimen rejım qaz qalpynda qala beredi.
Saılaý ótkenmen halyq kútken ózgerister, túbegeıli reformalar oryn almasy anyq. Munyń bári halyqtyń, ásirese jastardyń erteńgi kúnge degen senimin “dáý tyshqandardaı” kemirip barady. Eń sumdyǵy jastardyń ottaı janǵan patrıottyq sezimderi joıylyp kete me dep qorqamyn.
Elden tehnıkalyq, aıtıshnık, ekonomıst mamandar ketip jatyr. Turaqty mekendeýge ketip jatqandarynan basqa jaı vızamen baryp qalyp qalǵandar, turýǵa ıhtııarhat kútip júrgender qanshama? Sońǵy tórt jylda emıgraııaǵa ketip jatqandar onyń aldyndaǵy kezeńmen salystyrǵanda 38 paıyzdan 88 paıyzǵa ósken. Bılik osy tendenııany nege qaperge almaıdy? Memleket erteńgi kúni kimge qalady, depýtat myrzalar?
Marat BAIDILDAULY.
Áleýmettik jelidegi jazbasy.
