Kün saiyn qyzmet babymen qanşama adamdarmen jolyǧamyz, kezdeisoq körısemız. Pandemiiadan qorqyp tūrsaq ta maskı taqqan küiı amandyq, saulyq sūrasamyz. Sonda bırqatary balasy AQŞ-ta, nemese Kanada, nemese Londonda ekenın aityp jatady. “Oquyn bıtırgen soŋ sol jaqta qaldy” deidı ökınışpen. Jatjūrttyq bıreuge üilenıp kete me degen qorqynyşpen kerı şaqyryp alǧandarynyŋ özı jarty jyl, bır jyl äzer şydap, aqyry qoldaryn bır sıltep, özderı yŋǧaily körgen şet elıne tartyp otyrady eken.
Aitatyn uäjderı: “Qazaqstanda jastardyŋ “kryşasyz” qyzmettık ösuıne mümkındık joq”, “Jalaqysy mamandardyŋ şetelde alǧan bılım deŋgeiınen äldeqaida tömen”, “Korrupsiialyq bylyq-şylyqtar ūnamaidy”, “Bastyqqa bılımnen görı jaǧympazdyq ūnaidy”t.b.
Bärı ras! Ökınışke qarai bız osyndai el bolaşaǧyna senımızdıktıŋ auyr saldaryn tarta bastadyq. Rejim auysqanǧa deiın älı de tartatyn bolamyz.
Keşe ılınıp-salynyp Parlament Mäjılısı men mäslihat deputattarynyŋ sailauy öttı. El tanityn bırqatar adamdar “sailauǧa bardyq, özımız qalaǧan partiiaǧa dauys berdık” dep jer-jahanǧa jar salyp jatyr. Bırqatar baiqauşylardyŋ mälımetınşe dauys beruşıler sany aitarlyqtai tömendegen. Tek Almatynyŋ özınde dauys beru üşın tızımge alynǧandardyŋ 27,7 paiyzy ǧana kelgen. Būl körsetkış ūmytpasam, elordada 44 paiyz, Şymkentte 53 paiyz bolypty. Köp qalalarda 50 paiyzdyŋ ar jaq-ber jaǧy. Iаǧni elektorattyŋ belsendılıgı äldeqaida tömendegenı baiqalady.
Halyq ötırık uädelerden, közboiauşylyqtardan şarşaǧan. Onyŋ üstıne qalai dauys bersek te “Nur Otan” jeŋedı ǧoi degen saiasi şarasyzdyq. Bügıngı ekzit-pul nömırı bırınşı partiia 71 paiyz alǧanyn jariialap ta qoidy. Kümän köp. Bıraq äkımşılık resurs bır kısıdei jūmyldyrylǧan soŋ bızdıŋ elımızde basqaşa boluy da mümkın emes qoi.
“Kürkırep kündei öttı ǧoi soǧys” demekşı, mıneki, sailau da artta qaldy. Bilık partiiasynyŋ “oidaǧydai” köş bastaǧanyn közımız kördı. Bügın-erteŋ Mäjılıs jasaqtalǧan soŋ Ükımet te doǧarysqa keter. Jaŋa Ükımet taǧaiyndalar. 2019 jylǧy Prezident sailauynan soŋ Q.Toqaevqa ant bermegen küş qūrylymdarynyŋ basşylary biyl da oryntaqtaryn saqtap qalsa ötken jolǧydai oǧan taǧy ant bere qoimas. Keibır vedomstvo basşylary özgergenımen rejim qaz qalpynda qala beredı.Sailau ötkenmen halyq kütken özgerıster, tübegeilı reformalar oryn almasy anyq. Mūnyŋ bärı halyqtyŋ, äsırese jastardyŋ erteŋgı künge degen senımın “däu tyşqandardai” kemırıp barady. Eŋ sūmdyǧy jastardyŋ ottai janǧan patriottyq sezımderı joiylyp kete me dep qorqamyn. Elden tehnikalyq, aitişnik, ekonomist mamandar ketıp jatyr. Tūraqty mekendeuge ketıp jatqandarynan basqa jai vizamen baryp qalyp qalǧandar, tūruǧa ihtiiarhat kütıp jürgender qanşama? Soŋǧy tört jylda emigrasiiaǧa ketıp jatqandar onyŋ aldyndaǧy kezeŋmen salystyrǧanda 38 paiyzdan 88 paiyzǧa ösken. Bilık osy tendensiiany nege qaperge almaidy? Memleket erteŋgı künı kımge qalady, deputat myrzalar?
Marat BAIDILDAŪLY.
Äleumettık jelıdegı jazbasy.
