15 jasar jasóspirim eki áıeldi tonaǵan, dep habarlaıdy «Adyrna» tilshisi Nur-Sultan qalasynyń Polıııa departamentine silteme jasap.
«20 jasar qyz polıııaǵa tonaý faktisi boıynsha júgingen. Jábirlenýshiniń aıtýy boıynsha ol telefon arqyly kóshede sóılesip kele jatqanda kenetten ózin bireýdiń ıterip jibergenin sezgen, artynsha tanys emes er adam onyń qolynan uıaly telefonyn julyp alyp, belgisiz baǵytqa qaraı qashyp ketip jasyrynǵan»,-delingen habarlamada.
Nur-Sultan qalasy PD «Saryarqa» aýdany PB qyzmetkerleri jeke bas belgileri boıynsha jedel-izdestirý is-sharalaryn júrgizý barysynda kúdikti adamdy anyqtaǵan.
Tonaýshy elorda mektepteriniń birinde oqıtyn 15 jasar jasóspirim bolyp shyqqan. Kámelettik jasqa tolmaǵan balanyń buǵan deıin zańmen problemalary bolmaǵan jáne tolyq qolaıly otbasynda tárbıelenýde.
Tergeý barysynda bul mektep oqýshysy jasaǵan alǵashqy tonaý emes ekeni anyqtaldy. Aǵymdaǵy jyldyń qarasha aıynda táýliktiń túngi ýaqytynda ol balasymen úıine qaraı kele jatqan áıel adamnyń sómkesin qolynan julyp alǵan. Polıııaǵa júgingen jábirlenýshiniń aıtýynsha ol er adamǵa qarap úlgermegen, qyzy úshin qatty qorqyp ketken. Urlanǵan sómkesinde jeke bas kýáligi, bank kartasy, ishinde shamaly aqshasy bar ámııan bolǵan.
Kámelettik jasqa tolmaǵan bala eki tonaý faktisi boıynsha moıyndaý aıǵaǵyn berdi, sondaı-aq urlanǵan áıel sómkesin belgisiz jerge laqtyryp jibergenin, telefondy qoldan ótkizgenin aıtty.
Atalǵan fakti boıynsha sotqa deıingi tergep-tekserý júrgizilýde. Onyń buǵan deıin elorda aýmaǵynda jasalǵan qylmystarǵa qatystylyǵy tekserilýde.
«Adyrna» ulttyq portaly
