Ehhh... Ne deımiz endi?!Tramp pen Baıdennniń debaty 2 saǵat boldy. Eki kandıdat 2 saǵat ıdeıa men oı jarystyrdy. Qyzyq ótti. Bizdiki 5 partııanyń ókili 1 saǵat sóıledi. Átteń-aı...
Báıgege shabatyn sáıgúlikti erttep, júgenin salyp, qyzdyryp biraq báıge bastalmaı jatyp toqtap qalǵandaı kúıde otyrmyn. At ta ań tań, jınalǵan halyq ta ań tań. "Báıge qashan bastalady?" degen suraq qaldy. Qanbaı qaldyq qysqasy. Tutas el proess bastalyp, bitpeı qalǵandaı kúıde otyrmyz. Degenmen... Barymen bazar...
Sonymen kandıdattar ne dedi?..
"Nur Otandy" qoldańyz, ursyńyz, synańyz óz erkińiz. Biraq Aıdos Sarymda
da bilim bar. Kókjıek keń. Masshtab búgingiden joǵary ekeni sezilip turdy. Ýaqyt qysqa, formatqa syımaı turǵan adam sekildi áser berdi ózime. Tipti Aıdos aǵamyzben debatqa túsip oı jarystyrǵym keldi.
Qazaqstanda "Mádenı mura" syndy jobalar, ulttyq qundylyqqa qatysty zańdar qabyldanǵanyn jaqsy aıtty. "Túk istelingen joq" degen qarsylastyń suraǵyna ádemi jaýap bere bildi.
Aldaǵy ýaqytta aımaqtardy qolǵa alamyz degen partııanyń pozıııasyn alyp shyqty. Negizi eń aýyr júk Aıdosqa tústi. 20 jyl bılikte otyrǵan partııany synnyń astyna alatyny belgili edi. Bul pozıııany dál qazir alyp shyǵý da qıyn. Biraq syn da qatty estilmedi. Sıpalap ótti opponentter. Ony Aıdos soqqy dep qabyldamady. "Bolǵany osy ma? Basqa salmaqty eshteńe joq pa?" degendi etıketti saqtap aıtpady-aý...
Maqsat Tolyqbaı sózge sheshen. Ózgeristi "Sen aıt, men aıt dep otyrmaı iske kiriseıik" dedi. Durys pozıııa. Saıasatty feısbýkpen ólsheıtin saıası sanadan ketý kerektigin biraz azamattar túsindi ǵoı negizi. Maqsattyń da aıtary bar eken. Ýaqyttyń tarlyǵynan ramkada qalyp qoıdy. Bul fakt.
Dáýletkereı Kápuly aıtys pen saıası tartystyń eki dúnıe ekenin sezdi-aý. Biraq syr bermedi. Pozıııasyn baǵdarlama sharttary aıasynda ádemi qorǵady. "Qazaqstandy agrarlyq elge aınaldyrmaı kórkeımeımiz. Jer sheteldikterge satylmasyn, jalǵa berilmesin" dedi. Qoǵamdy tolǵandyrar suraqqa naqty jaýap.
"Qazaqstan halyqtyq partııasy" men "Aq jol" da biraz jerge bardy. Kommýnızmmen kúreste seriktespiz dedi. Keshegi kommýnıster ózgerdik dese, "Aq jol" Parlamentte otyrǵan jyldary kóp nárseni túsindik, endi iske kirisemiz dedi. Deıtinin dedi-aý. Biraq Parlamentte bolǵan partııalar úshin tym kesh emes pe?.. Kórermen óz baǵasyn bere jatar.
Jalpy debat búgingi damý men sharttardyń aıasynda ótti. Mamandarǵa bul birden sezildi. Biraq ótti. Saılaýǵa deıin áli 20 kúndeı bar. Aıtylǵan oılardy esepke alyp debattyń formatyn keńeıte jatar. Sońǵysy emes qoı degen úmit qaldy. Laıym solaı bolsyn!
Bir unaǵany júrgizýshi durys tańdalypty. Sóz sóıleý máneri, sheberligi, baǵdarlamany ustap turýy, qysqasyn aıtqanda barlyq formaty kelisip tur eken debatty júrgizýge. Osy jýrnalıst óz ornyn tapqan degen oı túıdim.
Baýyrjan SERIKBAEV,
áleýmettik jelidegi jazbasynan.
