2020 jyly álemdik deńgeıdegi basty shara (Tokıo Olımpıadasy) kelesi jylǵa shegerilgenimen, elimizdiń sportshylary baq synaǵan birneshe jarystar ótti.
Jyl jetistikteri:
Elena Rybakına (Úlken tennıs). 21 jastaǵy otandasymyz 5 birdeı WTA týrnıriniń (Shenchjen, Hobart, Sankt-Peterbýrg, Dýbaı, Strasbýrg) fınalyna shyǵyp, 1-ýinde (Hobart) top jardy. Jaqsy óner kórsetýiniń arqasynda qyzdar reıtıngisinde 17-orynǵa kóterilip, qazaq tarıhyndaǵy rekordty (2012 jyly Iaroslava Shvedova 25-orynǵa deıin kóterilgen) jańartty. Sonymen qatar ol qarjylyq jaǵdaıyn ( 1 mln $-dan astam) jaqsarta aldy. Áıelder tennıs qaýymdastyǵy (WTA) da Elena Rybakına men Sımona Halep (6:3, 3:6, 6:7(5)) arasyndaǵy fınaldyq oıyndy (WTA Dýbaı ) atalmysh jyldyń «eń úzdigi» retinde tanydy.
Baqtııar Zaınýtdınov (Fýtbol). Ulttyq quramanyń beldi oıynshysy Reseı chempıonatyndaǵy myqty ujymdardyń biri – «SKA» sapyna aýysyp, 20 kezdesý ótkizdi. «Ýral» klýbyna soqqan goly aıdyń «eń úzdik gol» retinde baǵalansa, «SKA» komandasyna aýysýyn Reseı chempıonatyndaǵy «eń sátti transferler» reıtıngisinde atap kórsetti. Aǵymdaǵy jyldy Qazaqstan ulttyq quramasynyń «eń qymbat fýtbolshysy» (2 mln eýro) retinde aıaqtady.
Rahat Bekbolat (Aýyr atletıka). Aýyr atletıkadan Tashkentte (Ózbekstan) ótken jasóspirimder arasyndaǵy Azııa chempıonatynda ziltemirshi Rahat Bekbolat (102 keli salmaqqa deıin) serpe kóterýde 198 kelini kóterip, álemdik rekordty jańartty. Qarasha aıynda Lıma (Perý) qalasynda ótken jasóspirimder arasyndaǵy onlaın formattaǵy Álem kýbogynda da Rahat Bekbolat 319 (140+1790 ) keli nátıjemen jeńimpaz atandy. Al eresekter arasyndaǵy el chempıonatynda Artem Antropovqa (68 keli qalyp qoıdy) ǵana jol berip, kúmis júlde ıelendi.
Áýesqoı bokstan Qazaqstan erler komandasy.
Amman (Iordanııa) qalasynda ótken lıenzııalyq týrnırde erlerimiz barlyq 8 salmaqta Tokıo Olımpıadasynyń joldamasyn ıelendi.
«QAIRAT» fýtbol klýby.
Araǵa 16 jyl salyp, 32 jastaǵy Alekseı Shpılevskıı baptaıtyn (Qazaqstan chempıony atanǵan eń jas bapker) «Qaırat» klýby qaıta el chempıony atandy. «Astana» klýbynyń 6 jyldyq gegemonııasyn toqtatqan «Qaırat» klýby atalmysh jyly óz sapyn Brazılııanyń ańyz surmergeni Vagner Lav, «Qyrǵyz Messıi» Gúljigit Áliqulov, Iaek Gýralskıı t.b myqty fýtbolshylarmen tolyqtyrdy.
«BARYS» hokkeı klýby.
Andreı Skabelka baptaǵan «Barys» klýby Qurlyqtyq Hokkeı Lıgasynda «eń úzdik kórsetkishti» (Shyǵys konferenııasynda 2-oryn, pleı-offta áleýetti «Metallýrg» (Magnıtogorsk) klýbynan aılasyn asyrdy) qaıtalady. Koronavırýs epıdemııasy kesirinen pleı-offtyń shırek fınalyn («Sibir» klýbymen oınaýy tıis edi) jalǵastyra almady.
Jyl ereksheligi
- Qazaqstan jastar quramasy (fýtbol).
- 2021 jyly ótetin Eýropa chempıonatyna irikteý kezeńinde baq synaǵan jastarymyz 10 upaı jınap, eń úzdik kórsetkishin qaıtalady. Bir qyzyǵy, fýtbolshylarymyz barlyq upaıdy tek syrt alańdaǵy oıyndarda (Farer araly, Chernogorııa, Izraıl jastaryn jeńip, Soltústik Makedonııamen teń oınady) jınady.
Sabyrhan Mahmýd (Áýesqoı boks) . Áýesqoı bokstan Shymkentte ótken el chempıonatynda 52 keli salmaqtaǵy Sabyrhan Mahmýd qana Tokıo Olımpıadasynyń joldama ıegeri Sáken Bıbosynovtan basym tústi.
UFC-DEGI DEBIýT. Bıyl alǵash ret tóbelesten álemdegi eń bedeldi Ultimate Fighting Championship (UFC) lıgasynda 3 otandasymyz Marııa Agapova (1 jeńis, 1 jeńilis), Jalǵas Jumaǵulov (1 jeńilis), Shavkat Rahmonov (1 jeńis) óner kórsetti.
Tursynbaı Qulahmet (kásipqoı boks). 2019 jyly áýesqoı bokstan Reseıde ótken Álem chempıonatynyń qola júldegeri Tursynbaı Qulahmet kásipqoı boksqa bet buryp, nebary 2-shi jekpe-jeginde (aǵylshyn boksshysy Makleı Makgoýendi utty) WBC International tujyrymy boıynsha 1-shi orta salmaqtaǵy belbeýdi ıelendi.
Jyl úmiti
- Danııar Eleýsinov (kásipqoı boks)
- Rıo Olımpıdasynyń chempıony Danııar Eleýsinov (10-0, 6 KO) óz mansabynda eń qaýipti qarsylas sanalǵan Namıbııa boksshysy, WBA, IBF, IBO tujyrymy boıynsha eks-álem chempıony Djýlıýs Indongony esh qınalmaı, 2 raýndta ýaqytynan buryn jeńdi.
Jyl ókinishi
- Baýyrjan Islamhan (fýtbol)
- Fýtboldan Qazaqstan ulttyq quramasynyń kapıtany, «Ál-Aın» (BAÁ) klýbynyń oıynshysy dopıng daýyna ilikti.
Qazaqstan fýtbol quramasy
Mıhal Bılek baptaıtyn Qazaqstan fýtbol komandasy «Ulttar Lıgasy» týrnırinde sońǵy oryn alyp, ornynan bosatyldy.
Jyl sátsizdigi
Jeńilmegen boksshylarymyzdyń jeńilýi
- Kásipqoı boksta Floıd Meıvezerdiń salyp ketken jolymen júrýge tyrysqan Nursultan Jańabaev (8-1, 5 KO), Madııar Áshkeev (14-1, 7 KO),, Álı Ahmedov (16-1, 12 KO) alǵash ret qarsylastaryna jol berdi.
Jyl saǵynyshy
- GGG (Kásipqoı boks). Gennadıı Golovkın men Kamıl Sheremeta arasyndaǵy jekpe-jek tek 8-shi múmkindiginde ǵana júzege asty. Kamıl Sheremeta Polshadaǵy Qazaqstan elshiligine Gennadıı Golovkındi izdep barsa da, sharshy rıngte esh qarsylyq (4 nokdaýn, 7 raýndtan soń, jekpe-jekti jalǵastyrýdan bas tartty) kórsete almady.
Jyl ózgerisi
- Kásibı sportqa bólinetin qarjy eki esege qysqardy
- Elimizde jyl saıyn 98 kásibı klýbqa bólinetin 55 mlrd teńge 2 esege azaıyp, kelesi jyly 22,2 mlrd teńgeni quraıdy. Artyq qarajat buqaralyq sportty damytýǵa baǵyttalady.
Qanat BAIUZAQOV,
«Adyrna» ulttyq portaly.
