Myna post Qazaqstan ulttyq arnasynyń tól týyndysy “Tálim trend” baǵdarlamasynyń ótken aptadaǵy sarapshysy, jaqtaýshysy, memlekettik “Daryn” syılyǵynyń laýreaty Syrym Áýezhannyń 1 jeltoqsandaǵy merekelik quttyqtaýynyń mátini. Ol kisiniń uǵymynsha adam jáne áıel eki uǵym eken. Áıel adam emes, dúnıemen, zatpen teń turatyn bir nárse ǵana. Jazbasyn oqysańyz áıeldi jaqsy kórgeni úshin kinálaý jatyr, óshpendilik jatyr.
Aıtýynsha, adamdar dúnıe men áıel beretin lázzatty jaqsy bilip alǵan kórinedi. Mynadaı túsinik ıesi bolý úshin qandaı ortada ósip-óný kerek? Búgingi Qazaqstan áıelderi men qyzdary turmystyq-zorlyq zombylyqtyń ǵana emes, osyndaı shekten shyqqan kózqarastyń qurbanyna aınaldy. Jáne sonshalyqty soraqy oı aıtyp turǵanyna post avtory da, onyń aınalasy da tıtteı kúmándanbaıdy, óıtkeni eshqandaı teris pikir jazylmaǵan.
Genderlik stereotıpterdiń taratýshysy, qaınar kózine aınalǵan osyndaı toqyraýdaǵy nadan kózqarastarǵa qashan tosqaýyl bolady? Osy kisilerge áıelderdiń múlik emes adam ekenin sát saıyn esine salyp, dáleldeýden sharshadyq.
Konstıtýııada «Zań men sot aldynda jurttyń bári teń. Tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine baılanysty nemese kez kelgen ózge jaǵdaıattar boıynsha eshkimdi eshqandaı kemsitýge bolmaıdy» dep bekitilgen.
Genderlik teńdik degen degen erkekpen jaýlasý emes, otbasynyń bar aýyrtpalyǵyn qaıyspaı kóterip júrgen sizdiń anańyzdyń, ápke-qaryndasyńyzdyń baqyty, qýanyshy, bostandyǵy, kúlkisi. Áıel ataýlynyń qadir-qasıetin aıaqqa taptap otyrǵan Syrym Áýezhandy shuǵyl jaýapqa tartý kerek, barlyǵymyzdan keshirim surasyn!
Facebook paraqshasynan alyndy.
