مىنا پوست قازاقستان ۇلتتىق ارناسىنىڭ ءتول تۋىندىسى ء“تالىم trend” باعدارلاماسىنىڭ وتكەن اپتاداعى ساراپشىسى، جاقتاۋشىسى، مەملەكەتتىك “دارىن” سىيلىعىنىڭ لاۋرەاتى سىرىم اۋەزحاننىڭ 1 جەلتوقسانداعى مەرەكەلىك قۇتتىقتاۋىنىڭ ءماتىنى. ول كىسىنىڭ ۇعىمىنشا ادام جانە ايەل ەكى ۇعىم ەكەن. ايەل ادام ەمەس، دۇنيەمەن، زاتپەن تەڭ تۇراتىن ءبىر نارسە عانا. جازباسىن وقىساڭىز ايەلدى جاقسى كورگەنى ءۇشىن كىنالاۋ جاتىر، وشپەندىلىك جاتىر.
ايتۋىنشا، ادامدار دۇنيە مەن ايەل بەرەتىن ءلاززاتتى جاقسى ءبىلىپ العان كورىنەدى. مىناداي تۇسىنىك يەسى بولۋ ءۇشىن قانداي ورتادا ءوسىپ-ءونۋ كەرەك؟ بۇگىنگى قازاقستان ايەلدەرى مەن قىزدارى تۇرمىستىق-زورلىق زومبىلىقتىڭ عانا ەمەس، وسىنداي شەكتەن شىققان كوزقاراستىڭ قۇربانىنا اينالدى. جانە سونشالىقتى سوراقى وي ايتىپ تۇرعانىنا پوست اۆتورى دا، ونىڭ اينالاسى دا تيتتەي كۇماندانبايدى، ويتكەنى ەشقانداي تەرىس پىكىر جازىلماعان.
گەندەرلىك ستەرەوتيپتەردىڭ تاراتۋشىسى، قاينار كوزىنە اينالعان وسىنداي توقىراۋداعى نادان كوزقاراستارعا قاشان توسقاۋىل بولادى؟ وسى كىسىلەرگە ايەلدەردىڭ مۇلىك ەمەس ادام ەكەنىن ءسات سايىن ەسىنە سالىپ، دالەلدەۋدەن شارشادىق.
كونستيتۋتسيادا «زاڭ مەن سوت الدىندا جۇرتتىڭ ءبارى تەڭ. تەگىنە، الەۋمەتتىك، لاۋازىمدىق جانە مۇلىكتىك جاعدايىنا، جىنىسىنا، ناسىلىنە، ۇلتىنا، تىلىنە، دىنگە كوزقاراسىنا، نانىمىنا، تۇرعىلىقتى جەرىنە بايلانىستى نەمەسە كەز كەلگەن وزگە جاعداياتتار بويىنشا ەشكىمدى ەشقانداي كەمسىتۋگە بولمايدى» دەپ بەكىتىلگەن.
گەندەرلىك تەڭدىك دەگەن دەگەن ەركەكپەن جاۋلاسۋ ەمەس، وتباسىنىڭ بار اۋىرتپالىعىن قايىسپاي كوتەرىپ جۇرگەن ءسىزدىڭ اناڭىزدىڭ، اپكە-قارىنداسىڭىزدىڭ باقىتى، قۋانىشى، بوستاندىعى، كۇلكىسى. ايەل اتاۋلىنىڭ قادىر-قاسيەتىن اياققا تاپتاپ وتىرعان سىرىم اۋەزحاندى شۇعىل جاۋاپقا تارتۋ كەرەك، بارلىعىمىزدان كەشىرىم سۇراسىن!
Facebook پاراقشاسىنان الىندى.
