Qoǵamdyq kóliktegi qaýipsizdik durys saqtalmaı otyr

2213
Adyrna.kz Telegram

17 jeltoqsanda Qazaqstan Halyq partııasynyń Astana qalalyq fılıaly elordadaǵy qoǵamdyq kólikterdiń qaýipsizdigine monıtorıng jáne agıtaııa jumystaryn júrgizdi. Reıd barysynda pandemııa jaǵdaıyna baılanysty sanıtarlyq talaptar barynsha saqtaldy.

– Qaladaǵy qoǵamdyq kólik ınfekııa men vırýs taralatyn oshaqqa emes, qaýipsiz jerge aınalýy kerek, – dep sanaıdy QHP ókilderi.

QHP belsendileri men eriktileri avtobýs salondarynyń tolymdylyǵyn, ondaǵy áleýmettik qashyqtyqty saqtaý múmkindigin, sondaı-aq jol júrý tólemin tekseretin baqylaýshylar, jolaýshylar, júrgizýshiler tarapynan karantındik normalardyń saqtalýyn (olardyń jeke maskalary, qorǵanys quraldary jáne t.b. bolýy kerek) tekserdi.

Qazaqstan Halyq partııasynyń qalalyq fılıaly qoǵamdyq kólikterge alǵash ret monıtorıng júrgizip otyrǵan joq. Ótken jyldyń jeltoqsan aıynda fılıaldyń belsendileri men eriktileri halyq tarapynan túsken kóp shaǵymdardan keıin avtobýstardyń qysta qanshalyqty jıi júretinin, kólikterdiń júrý ıntervalynyń qandaı ekenin tekserdi. Nátıje kóńilge qýanysh uıalatpady.

– Qala turǵyndary kólikterdi uzaq kútetinin aıtyp, shaǵymdanǵan bolatyn, – dedi QHP Astana qalalyq fılıalynyń jetekshisi Nurdáýlet Orazhanov.

Partııa belsendileri máselelerdi anyqtap, elorda ákimdigine jáne basqa da atqarýshy organdarǵa hat joldady. Atap aıtqanda, problemalyq baǵyttar boıynsha jańa jeliler qosý, al burynǵy baǵyttarǵa qosymsha kólikter alý usynyldy.

Karantın kezeńinde jaǵdaı túbegeıli ózgerdi.

– Qazirgi ýaqytta bizdiń qala koronavırýstyq pandemııaǵa baılanysty «qyzyl aımaqta» ornalasqan. Alaıda avtobýs salondary adamǵa tolyp turady. Bul problema áli sheshilgen joq. Buryn azamattardyń dittegen jerge keshigip keletini qıyndyq týdyrsa, endi qazirgi jaǵdaı olardyń ómiri men densaýlyǵyna qaýip tóndirip otyr, – dedi ol.

Qazir QHP belsendileri tek kólikterdi ǵana teksermeıdi. Ókinishke qaraı, kóptegen azamattar jeke qaýipsizdik máselelerine de tym nemquraıly qaraıdy.

– Mundaı adamdar ózderine jáne basqalarǵa qaýip tóndiredi. Olar medıınalyq maskanay kımeıdi nemese olardy durys paıdalanbaıdy, – dedi Nurdáýlet Orazhanov.

QHP belsendileri avtoparkterdi, sondaı-aq memlekettik organdardyń ókilderin qalalyq avtobýstardy qaýipsiz etýge shaqyrdy. Reıd qorytyndysy boıynsha partııa músheleri elorda ákimdigine hat joldap, tasymaldaýshy kompanııalardyń basshylarymen kezdesýler ótkizdi.

QHP Astana qalalyq fılıaly

 

Pikirler