17 جەلتوقساندا قازاقستان حالىق پارتياسىنىڭ استانا قالالىق فيليالى ەلورداداعى قوعامدىق كولىكتەردىڭ قاۋىپسىزدىگىنە مونيتورينگ جانە اگيتاتسيا جۇمىستارىن جۇرگىزدى. رەيد بارىسىندا پاندەميا جاعدايىنا بايلانىستى سانيتارلىق تالاپتار بارىنشا ساقتالدى.
– قالاداعى قوعامدىق كولىك ينفەكتسيا مەن ۆيرۋس تارالاتىن وشاققا ەمەس، قاۋىپسىز جەرگە اينالۋى كەرەك، – دەپ سانايدى قحپ وكىلدەرى.
قحپ بەلسەندىلەرى مەن ەرىكتىلەرى اۆتوبۋس سالوندارىنىڭ تولىمدىلىعىن، ونداعى الەۋمەتتىك قاشىقتىقتى ساقتاۋ مۇمكىندىگىن، سونداي-اق جول ءجۇرۋ تولەمىن تەكسەرەتىن باقىلاۋشىلار، جولاۋشىلار، جۇرگىزۋشىلەر تاراپىنان كارانتيندىك نورمالاردىڭ ساقتالۋىن (ولاردىڭ جەكە ماسكالارى، قورعانىس قۇرالدارى جانە ت.ب. بولۋى كەرەك) تەكسەردى.
قازاقستان حالىق پارتياسىنىڭ قالالىق فيليالى قوعامدىق كولىكتەرگە العاش رەت مونيتورينگ جۇرگىزىپ وتىرعان جوق. وتكەن جىلدىڭ جەلتوقسان ايىندا فيليالدىڭ بەلسەندىلەرى مەن ەرىكتىلەرى حالىق تاراپىنان تۇسكەن كوپ شاعىمداردان كەيىن اۆتوبۋستاردىڭ قىستا قانشالىقتى ءجيى جۇرەتىنىن، كولىكتەردىڭ ءجۇرۋ ينتەرۆالىنىڭ قانداي ەكەنىن تەكسەردى. ناتيجە كوڭىلگە قۋانىش ۇيالاتپادى.
– قالا تۇرعىندارى كولىكتەردى ۇزاق كۇتەتىنىن ايتىپ، شاعىمدانعان بولاتىن، – دەدى قحپ استانا قالالىق فيليالىنىڭ جەتەكشىسى نۇرداۋلەت ورازحانوۆ.
پارتيا بەلسەندىلەرى ماسەلەلەردى انىقتاپ، ەلوردا اكىمدىگىنە جانە باسقا دا اتقارۋشى ورگاندارعا حات جولدادى. اتاپ ايتقاندا، پروبلەمالىق باعىتتار بويىنشا جاڭا جەلىلەر قوسۋ، ال بۇرىنعى باعىتتارعا قوسىمشا كولىكتەر الۋ ۇسىنىلدى.
كارانتين كەزەڭىندە جاعداي تۇبەگەيلى وزگەردى.
– قازىرگى ۋاقىتتا ءبىزدىڭ قالا كوروناۆيرۋستىق پاندەمياعا بايلانىستى «قىزىل ايماقتا» ورنالاسقان. الايدا اۆتوبۋس سالوندارى ادامعا تولىپ تۇرادى. بۇل پروبلەما ءالى شەشىلگەن جوق. بۇرىن ازاماتتاردىڭ دىتتەگەن جەرگە كەشىگىپ كەلەتىنى قيىندىق تۋدىرسا، ەندى قازىرگى جاعداي ولاردىڭ ءومىرى مەن دەنساۋلىعىنا قاۋىپ ءتوندىرىپ وتىر، – دەدى ول.
قازىر قحپ بەلسەندىلەرى تەك كولىكتەردى عانا تەكسەرمەيدى. وكىنىشكە قاراي، كوپتەگەن ازاماتتار جەكە قاۋىپسىزدىك ماسەلەلەرىنە دە تىم نەمقۇرايلى قارايدى.
– مۇنداي ادامدار وزدەرىنە جانە باسقالارعا قاۋىپ توندىرەدى. ولار مەديتسينالىق ماسكاناى كيمەيدى نەمەسە ولاردى دۇرىس پايدالانبايدى، – دەدى نۇرداۋلەت ورازحانوۆ.
قحپ بەلسەندىلەرى اۆتوپاركتەردى، سونداي-اق مەملەكەتتىك ورگانداردىڭ وكىلدەرىن قالالىق اۆتوبۋستاردى قاۋىپسىز ەتۋگە شاقىردى. رەيد قورىتىندىسى بويىنشا پارتيا مۇشەلەرى ەلوردا اكىمدىگىنە حات جولداپ، تاسىمالداۋشى كومپانيالاردىڭ باسشىلارىمەن كەزدەسۋلەر وتكىزدى.
قحپ استانا قالالىق فيليالى
