Juldyzshylar adam qaı jyly týylsa, minez-qulqy sol jyldyń egesi sanalatyn janýardikine uqsas keledi deıdi. Onyń qanshalyqty shyndyqqa janasatynyn jelilerde jaryq kórgen tómendegi joramalǵa qarap, ózińiz paıymdap kórińiz dep jazady «Adyrna» ulttyq portaly HalyQ emi elıtelstvo paraqshasyna silteme jasap.
Tyshqan. Ádil, keń peıildi, jomart júrekti jáne óz-ózin basqara biledi. Árkimmen til tabysa biletin qasıetiniń arqasynda tanystary jeterlik. Biraq naǵyz dosqa muqtaj. Aqyl-oı jaǵynan alyp bara jatqan ereksheligi bolmaǵanymen, alǵa qoıǵan maqsatyna jetpeı tynbaıtynyna kópshilik tánti. Olardan jaqsy saýdager, jazýshy, synshy jáne pýblııst shyǵýy múmkin.
Sıyr. Alǵan betinen qaıtpaıtyn qyńyr, biraq óz-ózine óte senimdi. Beınetkesh, únemi kósh basynan kóringisi keledi. Syrttaı qaraǵan adamǵa sabyrly bop kórinýi múmkin. Biraq ashýlanǵanda jan-jaǵyn jaıpap jiberýden taıynbaıdy. Ondaı kezde óz-ózine esep te bere almaıdy. Múmkindigi kelse, Sıyr belgisindegilerdi sebepsiz mazalamaı-aq qoıǵan durys.
Barys. Meıirimdiliginde shek joq. Qudaıdan basqa eshkimnen qoryqpaıtyndardyń qatarynan. Tereńnen oılaı biledi, sezimtal jáne kóńil-kúıdiń adamy. Oǵan sený qaýipti, biraq Barys jylǵylardyń ózi eshkimge senbeıdi. Jasy úlkendermen jáne ózinen bir saty tómen adamdarmen jıi kıkiljińge kelip qala beredi.
Qoıan. Jaqsy sóıleı biledi, talantty, ustamdy, tynysh, talǵamy bıik. Aınalasyndaǵylarǵa únemi óz-ózin kórsetkisi kep turady. Sheshim qabyldaýǵa kelgende asyǵyp-aptyqpaıdy. Qoıan jyly týylǵandar – kóbine bıznesmen, zańger, dıplomat mamandyqtarynyń sheberi. Akterlik sheberligi de bir tóbe. Sodan da olardan teatr men kıno salasynyń maıtalmany shyǵýy múmkin.
Ulý. Ózgelerden ómirlik kúsh-qýatymen, densaýlyǵynyń myqtylyǵymen erekshelenedi. Biraq birbetkeı, kez kelgen nárseni birden kóńiline alyp qalady, qyzba minezdi. Qoǵamdaǵy yqpaly kúshti bolǵandyqtan da ony kóbi syılaıdy. Ádette Ulý jylǵylar kareralyq tabaldyryqtyń bıigine umtylǵysh jáne kózdegenine jetpeı qoımaıdy. Ekijúzdilik olarǵa tán emes. Betiń bar, júziń bar demeı, oıyndaǵyny aıta salady.
Jylan. Óziniń tájirıbesine, aqylyna ǵana súıenip, kózimen kórgenine ǵana senetin adamdar. Al ózgeniń qatesinen sabaq ala biledi. Adam tanı alady. Joly bolǵyshtyǵy sondaı, qansha kerek, sonsha aqsha tabýǵa qaýqary jetedi. Bir jamany, qumar oıyndardyń qyzyǵyna túsip, barynan jıi aıyrylyp qalyp jatady. Jaratylysynan adam balasyna senbeıdi. Óziniń emoııasyn jasyryp, únemi tek kúlip júredi.
Jylqy. Boıynda kúsh-qýaty tasyp turǵan olar qaı kezde de kóńildi. Adamdardy tez baýrap alatyn qasıeti bar. Sol sebepten de jan-jaǵyna shýaq syılap júredi. Aqshaǵa óte yqtııatty. Mahabattyń jolynda esh aıanyp qalmaıdy. Tez ashýlanyp, tez basylady. Eshkimge táýeldi bolǵysy joq. Bireýdiń aqylyna muqtaj emes. Tek óziniń ǵana túısigine senedi.
Qoı. Shynaıy, jaıdary minezdi, óte talantty. Onyń ústine, tuıyq ári keritartpalyǵy taǵy bar. Joǵary talǵam ıesi, ónerdiń ár túrine ıkemdi. Óziniń materıaldyq baılyǵy asyp-tasyp jatpasa da, joq-jitikterdi jarylqap, jaqsy sózben bolsa da, janyna demeý bolýǵa tyrysady. Ómiri qandaı bolsa, solaı qabyldaıdy.
Meshin. Búgin bir nárse aıtsa, erteń-aq ol oıynan aınyp shyǵa keledi. Olarǵa sený qıyn. Biraq aqyldylyǵy jaǵynan asyp túsedi. Joly bolǵysh, joqtan bardy qurastyryp shyǵarýǵa beıim. Óz erki ózinde bolyp úırengen. Qyzba minezdi. Kez kelgen máseleden sytylyp kete salady. Biraq Meshin jylǵylardy yńǵaıǵa buryp, aıtqanǵa kóndirý op-ońaı. Jolynda esh kedergi joq bolsa, bıikterden kórinýge baryn salady.
Taýyq. Aýzyn ashsa, arǵy jaǵynan júregi kórinip turatyn aqkóńil adamdar. Eńbeksúıgish, batyl. Anany da, mynany da bilgisi kep júrgeni. Jurttyń nazarynda bolǵandy, ózin maqtaǵandy jaqsy kóredi. Eshkimge senbeıdi, tek óz degenimen júredi. Tapqan-taıanǵanyn beıbereket jumsap, aqyr sońynda aqshasynyń qaıda ketkenin bilmeı qalady.
It. Ádildikti jany súıedi, óziniń quqyǵy úshin kúresýge bar kúshin sarp etedi. Ony materıaldyq baılyq qyzyqtyra bermeıdi. Qatty qajet bolyp bara jatsa, jerden qazsa da, qarajat tabady. Basqalarǵa min taǵyp, syn aıtýǵa beıim. Jasyna jas qosyla kele ol minezi birtindep basylady. Bul jyly dúnıege kelgenderdiń arasynda muǵalimder men bıznesmender kóptep kezdesedi.
Dońyz. Olarǵa árkez arqa súıeýge bolady. Jaqsy seriktes. Úlken aqyl ıesi. Bilim alýǵa talpynysy joǵary bolǵanymen, uıań mineziniń kesirinen kóp nárseden qur qalýy múmkin. Az sóılep, kez kelgen máseleni aqylmen sheship úırengen. Urys-keris degendi unatpaıdy. Dostary saýsaqpen sanarlyqtaı. Biraq olar ómir boıy shynaıy dos bolyp qalady. Jan-jaǵynyń shashylyp jatqany oǵan tańsyq emes. Dońyz jylǵylardyń densaýlyǵyna budan zııan kelýi múmkin
