Depýtattarǵa shetelde esepshot ashýǵa tyıym salyndy

4638
Adyrna.kz Telegram

Senat depýtattary qylmystyq proeste azamattar quqyǵyn qorǵaý jáne sybaılas jemqorlyqqa qarsy is-qımyldy kúsheıtýge arnalǵan zań qabyldady, dep habarlaıdy «Adyrna» Sputnik Qazaqstanǵa  silteme jasap.

Senat tóraǵasy Máýlen Áshimbaevtiń aıtýynsha, sýdıalar men quqyq qorǵaýshylardyń sybaılas jemqorlyq úshin jaýapkershiligi kúsheıtilip otyr.

"Sonymen qatar, memlekettik qyzmetkerlerge, depýtattyq korpýsqa jáne sýdıalarǵa sheteldik bankterde esepshot ashýǵa tyıym salynady. Aýyr jáne asa aýyr sybaılas jemqorlyq qylmysy úshin sottalǵandardy merziminen buryn bosatýǵa tyıym salynady", - dedi Áshimbaev senattyń búgingi otyrysynda.

Budan bólek, qylmystyq jaýapqa tartylǵan azamattardyń quqyǵyn qorǵaý maqsatynda tıisti organdardyń negizgi sheshimderin prokýrormen kelisý jáne bekitý mindeti engiziledi.

"Endi, osy basymdyqtardy qylmysty tergeý jáne sot isin júrgizý kezinde durys qoldaný qajet", - dep atap kórsetti Áshimbaev.

Zańnyń negizgi ózgeristeri

  • sybaılas jemqorlyq qylmys jasaǵan adamdardy merziminen buryn shartty túrde bosatý múmkindigi alyp tastalady;
  • quqyq qorǵaý organdary qyzmetkerleriniń jáne quqyq qorǵaý organynda jaýapty memlekettik laýazymdy atqaratyn adamnyń sybaılas jemqorlyq qylmys jasaǵany úshin saralanatyn belgileri kózdeledi;
  • prokýrorǵa qylmystyq ister boıynsha negizgi sheshimderdi qozǵaıtyn tórt proestik áreketti (kúdikti dep taný týraly, kúdiktiniń is-áreketin saralaý týraly, kúdiktiniń is-áreketin saralaýdy ózgertý nemese tolyqtyrý týraly jáne tergep-tekserý merzimderin úzý týraly qaýlylardy) kelisý quqyǵyn berý kózdelýde;
  • prokýrorǵa tergeýshiniń ne sotqa deıingi tergep-tekserýdi júzege asyratyn adamnyń úsh túpkilikti proestik sheshimin (buıryqtyq is júrgizýdi qoldaný jáne sotqa deıingi tergep-tekserýdi toqtatý týraly qaýlylar, qylmystyq teris qylyq týraly hattama) bekitý quqyǵymen ýákilettik berý usynylady;
  • shottar (salymdar) ashýǵa jáne ıelenýge, sondaı-aq Qazaqstan Respýblıkasynan tys jerde ornalasqan sheteldik bankterde qolma-qol aqsha men qundylyqtardy saqtaýǵa tyıym salý kózdeledi. Bul tyıym jaýapty memlekettik laýazymdy atqaratyn adamdar jáne memlekettik fýnkııalardy oryndaýǵa ýákilettik berilgen adamdar (máslıhattar depýtattaryn qospaǵanda) jáne laýazymdy adamdar úshin qarastyrylǵan.

Sonymen qatar, zań jobasynda tergeý sýdıasynyń qaýlylaryna shaǵymdanýǵa jáne qaıta qaraýǵa arnalǵan negizderdi keńeıtý usynylady.

«Adyrna» ulttyq portaly

Pikirler