سەنات دەپۋتاتتارى قىلمىستىق پروتسەستە ازاماتتار قۇقىعىن قورعاۋ جانە سىبايلاس جەمقورلىققا قارسى ءىس-قيمىلدى كۇشەيتۋگە ارنالعان زاڭ قابىلدادى، دەپ حابارلايدى «ادىرنا» Sputnik قازاقستانعا سىلتەمە جاساپ.
سەنات توراعاسى ماۋلەن اشىمباەۆتىڭ ايتۋىنشا، سۋديالار مەن قۇقىق قورعاۋشىلاردىڭ سىبايلاس جەمقورلىق ءۇشىن جاۋاپكەرشىلىگى كۇشەيتىلىپ وتىر.
"سونىمەن قاتار، مەملەكەتتىك قىزمەتكەرلەرگە، دەپۋتاتتىق كورپۋسقا جانە سۋديالارعا شەتەلدىك بانكتەردە ەسەپشوت اشۋعا تىيىم سالىنادى. اۋىر جانە اسا اۋىر سىبايلاس جەمقورلىق قىلمىسى ءۇشىن سوتتالعانداردى مەرزىمىنەن بۇرىن بوساتۋعا تىيىم سالىنادى", - دەدى اشىمباەۆ سەناتتىڭ بۇگىنگى وتىرىسىندا.
بۇدان بولەك، قىلمىستىق جاۋاپقا تارتىلعان ازاماتتاردىڭ قۇقىعىن قورعاۋ ماقساتىندا ءتيىستى ورگانداردىڭ نەگىزگى شەشىمدەرىن پروكۋرورمەن كەلىسۋ جانە بەكىتۋ مىندەتى ەنگىزىلەدى.
"ەندى، وسى باسىمدىقتاردى قىلمىستى تەرگەۋ جانە سوت ءىسىن جۇرگىزۋ كەزىندە دۇرىس قولدانۋ قاجەت", - دەپ اتاپ كورسەتتى اشىمباەۆ.
زاڭنىڭ نەگىزگى وزگەرىستەرى
- سىبايلاس جەمقورلىق قىلمىس جاساعان ادامداردى مەرزىمىنەن بۇرىن شارتتى تۇردە بوساتۋ مۇمكىندىگى الىپ تاستالادى;
- قۇقىق قورعاۋ ورگاندارى قىزمەتكەرلەرىنىڭ جانە قۇقىق قورعاۋ ورگانىندا جاۋاپتى مەملەكەتتىك لاۋازىمدى اتقاراتىن ادامنىڭ سىبايلاس جەمقورلىق قىلمىس جاساعانى ءۇشىن سارالاناتىن بەلگىلەرى كوزدەلەدى;
- پروكۋرورعا قىلمىستىق ىستەر بويىنشا نەگىزگى شەشىمدەردى قوزعايتىن ءتورت پروتسەستىك ارەكەتتى (كۇدىكتى دەپ تانۋ تۋرالى، كۇدىكتىنىڭ ءىس-ارەكەتىن سارالاۋ تۋرالى، كۇدىكتىنىڭ ءىس-ارەكەتىن سارالاۋدى وزگەرتۋ نەمەسە تولىقتىرۋ تۋرالى جانە تەرگەپ-تەكسەرۋ مەرزىمدەرىن ءۇزۋ تۋرالى قاۋلىلاردى) كەلىسۋ قۇقىعىن بەرۋ كوزدەلۋدە;
- پروكۋرورعا تەرگەۋشىنىڭ نە سوتقا دەيىنگى تەرگەپ-تەكسەرۋدى جۇزەگە اسىراتىن ادامنىڭ ءۇش تۇپكىلىكتى پروتسەستىك شەشىمىن (بۇيرىقتىق ءىس جۇرگىزۋدى قولدانۋ جانە سوتقا دەيىنگى تەرگەپ-تەكسەرۋدى توقتاتۋ تۋرالى قاۋلىلار، قىلمىستىق تەرىس قىلىق تۋرالى حاتتاما) بەكىتۋ قۇقىعىمەن ۋاكىلەتتىك بەرۋ ۇسىنىلادى;
- شوتتار (سالىمدار) اشۋعا جانە يەلەنۋگە، سونداي-اق قازاقستان رەسپۋبليكاسىنان تىس جەردە ورنالاسقان شەتەلدىك بانكتەردە قولما-قول اقشا مەن قۇندىلىقتاردى ساقتاۋعا تىيىم سالۋ كوزدەلەدى. بۇل تىيىم جاۋاپتى مەملەكەتتىك لاۋازىمدى اتقاراتىن ادامدار جانە مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدار ء(ماسليحاتتار دەپۋتاتتارىن قوسپاعاندا) جانە لاۋازىمدى ادامدار ءۇشىن قاراستىرىلعان.
سونىمەن قاتار، زاڭ جوباسىندا تەرگەۋ سۋدياسىنىڭ قاۋلىلارىنا شاعىمدانۋعا جانە قايتا قاراۋعا ارنالعان نەگىزدەردى كەڭەيتۋ ۇسىنىلادى.
«ادىرنا» ۇلتتىق پورتالى
