«Aq jol» Demokratııalyq partııasy Sh.Ýálıhanov atyndaǵy tarıh jáne etnologııa ınstıtýty jáne «Alash» mádenıet jáne rýhanı damý ınstıtýtymen birlese «Aq jol» gazetiniń jaryq kórgenine 100 jyl tolýyna oraı «Alashtyń Túrkistan kezeńi» atty halyqaralyq onlaın konferenııasyn ótkizdi, dep habarlaıdy «Adyrna» tilshisi. Is-sharaǵa «Aq jol» partııasynyń tóraǵasy A.Perýashev, alashtanýshylar, ǵalymdar men qoǵam qaıratkerleri qatysty.
Sharada «Aq jol» gazeti materıaldary jınaǵynyń tusaýyn Alash qaıratkeri, «Aq jol» gazetiniń negizin qalaýshy jáne birinshi redaktory S.Qojanovtyń urpaǵy, fılologııa ǵylymdarynyń kandıdaty Svetlana Qojanova men Alash arysy, «Aq jol» gazetiniń qyzmetkeri Haıretdın Bolǵanbaevtyń urpaǵy, Haıretdın Bolǵanbaev atyndaǵy qaıyrymdylyq qorynyń tóraǵasy Jambyl Kamelov kesti.
Jınaq qoǵam qaıratkeri, aqyn, «Aq jol» partııasynyń múshesi Hanbıbi Esenqaraǵyzynyń jeke bastamasy boıynsha qurastyrylǵan. Ol Tashkent, Shymkent, Almaty, Máskeý kitaphanalary men muraǵattarynda gazet materıaldaryn jınaý boıynsha úlken jumys jasady.
«Aq jol» - 1920–26 jyldary basylyp shyqqan jáne Alash belsendileri qurǵan qoǵamdyq-saıası gazet. Birinshi redaktory - Sultanbek Qojanov. Gazette N.Tórequlov, M.Dýlatov, X. Dosmuhamedov, I. Jansúgirov, A. Baıtursynov jáne basqa da kóptegen qazaq zııalylarynyń Túrkistan, QazaqAvtonomııalyq SSR ómiri men oqıǵalary týraly materıaldary jarııalandy.
Ózderińiz biletindeı, «Aq jol» partııasy Alash qozǵalysynyń ıdeıalyq murasyn zertteý jáne nasıhattaý boıynsha únemi jumystar júrgizedi. Jyl saıyn ǵylymı jumystar konkýrstary, ǵylymı-praktıkalyq konferenııalar ótkizilip, jarııalanymdar jaryq kóredi.
Jıyndaǵy quttyqtaý sózinde Azat Perýashev jınaqtyń jaryqqa shyǵýy Mádenıet jáne sport mınıstrliginiń qoldaýy jáne aqyn Hanbıbi Esenqaraqyzynyń eńbeginiń arqasynda júzege asqanyn atap ótti. «Urpaqtardyń rýhanı jáne mádenı tájirıbesiniń sabaqtastyǵy - Táýelsizdikti nyǵaıtýdyń basty negizderiniń biri. Mundaı materıaldardy basyp shyǵarý ulttyq tarıhty túsiný úshin, onyń burmalanýyna qarsy turý úshin óte mańyzdy», - dedi Perýashev.
Sondaı-aq, Mımar Sınan ýnıversıtetiniń professory, túrkitanýshy Ábdiýaqap Qara «Alash, túrki dúnıesi jáne baspasóz», tarıh ǵylymdarynyń doktory, professor, Sh. Ýalıhanov atyndaǵy tarıh jáne etnologııa ınstıtýtynyń dırektory Zııabek Qabyldınov «Aq jol» gazeti – Alash tarıhyn zertteý baǵytynda qundy tarıhı derek», fılologııa ǵylymdarynyń doktory, professor, QR UǴA akademıgi, alashtanýshy Dıhan Qamzabekuly «Túrkistan jáne ult joǵary mektebiniń irgetasy» taqyrybynda baıandama oqydy.
«Adyrna» ulttyq portaly
