Bolat ÓTEMURATOVTYŃ qamalǵany ras pa?

2434
Adyrna.kz Telegram

"Vernyı kapıtal" kompanııalar toby Muhtar Áblıazovtyń qazaqstandyq olıgarh "Bolat Ótemuratovtyń qamalǵany jáne onyń ústinen Anglııa sotyna shaǵym túskeni" jaıly jazbasyn joqqa shyǵardy.

Bir kún buryn qýǵyndaǵy bıznesmen Muhtar Áblıazov Facebook paraqshasynda birinshi prezıdent Nursultan Nazarbaevtyń burynǵy is basqarýshysy ári kómekshisi Bolat Ótemuratovtyń "ustalyp, elden shyǵýyna tyıym salynǵanyn" jazǵan edi.

"Informbıýro" saıtynyń jazýynsha, "Vernyı kapıtal" baspasóz qyzmeti kompanııanyń basty akıoneri Bolat Ótemuratovtyń ustalǵanyn teristep, onyń Nur-Sultanda "qoǵamdyq istermen shuǵyldanyp júrgenin" aıtqan.

Degenmen kompanııa Ótemuratovtyń "BTA Bank" shaǵymy boıynsha London sotynda jaýapker ekenin rastaǵan, biraq sot qujattarynan qate ketkenin alǵa tartqan.

"Bul shaǵymdy bastapqyda 2015 jyly "BTA Bank" AQ Muhtar Áblıazov pen Ilııas Hrapýnovtyń ústinen túsirgen. Izinshe jaýapkerler tizimi uzaryp, 2020 jyly qarasha aıynda olardyń quramyna Bolat Ótemuratov pen onyń bıznes-qurylymyna kiretin birqatar tulǵalar engen. Ol shaǵymnyń túsýine "BTA Bank" pen zańgerleri bergen jalǵan qujattar túrtki bolǵan. Jaqyn arada shaǵymǵa baılanysty aryz túsiriledi" delingen kompanııa habarlamasynda.

Áblıazovtyń jazýynsha, Ótemuratov ózine "aktıvterin jasyrýǵa kómektesti" degen kúdikke ilinip otyr. Ol jazbasynda Qazaqstan ulttyq qaýipsizdik komıtetiniń tóraǵasy Kárim Másimovtiń de esimin ataǵan.

Qazaqstan ulttyq qaýipsizdik komıtetiniń baspasóz qyzmeti ázirge jaýap bermedi.

Bolat Ótemuratov – Qazaqstandaǵy eń aýqatty adamdardyń biri. Forbes onyń dáýletin 2,8 mlrd dollarǵa baǵalaǵan. Ol eldegi taý-metallýrgııa, munaı-gaz, telekommýnıkaııa, qarjy qyzmeti, jyljymaıtyn múlik salasyndaǵy aktıvterge ıe.

Qazaqstan bıligi eks-bankır Áblıazovty BTA bankiniń mıllıardtaǵan qarjysyn jymqyrdy dep aıyptaıdy.

2009 jyldan beri shetelde turyp kele jatqan oppozıııalyq saıasatker Muhtar Áblıazov ózine taǵylǵan aıyptardy tolyq joqqa shyǵarady jáne bılikti "aktıv kólemi jaǵynan eldegi eń iri bankti tartyp aldy" deıdi.

Nur-Sultan ony elge ekstradıııalaýǵa kúsh salǵanymen, nátıje shyqqan joq. Bıyl qazan aıynda Áblıazov Franııadan saıası baspana aldy.

2017 jyly Almaty soty Muhtar Áblıazovty BTA bankiniń "aqshasyn jymqyrý isi" boıynsha kináli dep taýyp, syrttaı 20 jylǵa sottaǵan.

Foto ashyq derekkózden alyndy

«Azattyq Radıosy»

Pikirler