Şymkent qalasy Täuke han daŋǧyly boiynda ornalasqan «777 (7 bochek)» meiramhanasynda qyz ūzatu toiy ūiymdastyrylǧan, dep habarlaidy «Adyrna» ūlttyq portaly QazAqparat-qa sılteme jasap.
Saltanatty şaraǧa şaqyrylmai kırıp barǧan tärtıp saqşylary jiynda 100-ge juyq adamnyŋ bolǧanyn anyqtaǧan. Poliseiler atalǧan jaitqa qatysty karantin talaptaryn būzǧan azamattarǧa QR ÄQBtK 425-baby boiynşa hattama toltyrdy. Jinaqtalǧan ıs-qūjattar sanitariialyq-epedemiologiialyq baqylau basqarmasyna joldandy. Şymkenttık poliseiler tūrǧyndardy karantin kezınde zaŋ talabyna säikes äreket etıp, adamnyŋ köp şoǧyrlanuyna jol bermeuge şaqyrady. Aita keteiık, karantin rejimı engızılgelı berı Şymkent qalasy polisiia departamentınıŋ qyzmetkerlerı jäne arnaiy qūrylǧan mobildı top jalpy 910 qūqyqbūzuşylyqty anyqtaǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz