شىمكەنت قالاسى تاۋكە حان داڭعىلى بويىندا ورنالاسقان «777 (7 بوچەك)» مەيرامحاناسىندا قىز ۇزاتۋ تويى ۇيىمداستىرىلعان، دەپ حابارلايدى «ادىرنا» ۇلتتىق پورتالى قازاقپارات-قا سىلتەمە جاساپ.
سالتاناتتى شاراعا شاقىرىلماي كىرىپ بارعان ءتارتىپ ساقشىلارى جيىندا 100-گە جۋىق ادامنىڭ بولعانىن انىقتاعان. پوليتسەيلەر اتالعان جايتقا قاتىستى كارانتين تالاپتارىن بۇزعان ازاماتتارعا قر اقبتك 425-بابى بويىنشا حاتتاما تولتىردى. جيناقتالعان ءىس-قۇجاتتار سانيتاريالىق-ەپەدەميولوگيالىق باقىلاۋ باسقارماسىنا جولداندى. شىمكەنتتىك پوليتسەيلەر تۇرعىنداردى كارانتين كەزىندە زاڭ تالابىنا سايكەس ارەكەت ەتىپ، ادامنىڭ كوپ شوعىرلانۋىنا جول بەرمەۋگە شاقىرادى. ايتا كەتەيىك، كارانتين رەجيمى ەنگىزىلگەلى بەرى شىمكەنت قالاسى پوليتسيا دەپارتامەنتىنىڭ قىزمەتكەرلەرى جانە ارنايى قۇرىلعان ءموبيلدى توپ جالپى 910 قۇقىقبۇزۋشىلىقتى انىقتاعان.
