Baiden AQŞ-taǧy eŋ tömengı jalaqyny saǧatyna 15 dollarǧa deiın köteruge uäde berdı dep habarlaidy «Adyrna» ūlttyq portaly Twitter jelısındegı Djo Baidennıŋ jazbasyna sılteme jasap.
Amerikalyq BAQ prezidenttık sailauda jeŋıske jettı dep habarlaǧan Djo Baidan halqyna eŋ aldymen bailyq syilamaq. Syilaǧanda, qaltasynan bölısıp bermeidı. Ärbır jūmys saǧatynyŋ qūnyn arttyru arqyly amerikalyqtardyŋ qaltasyn qalyŋdatpaq. Qazaqtyŋ teŋgesıne şaqqanda, ärbır jūmys saǧaty şamamen 6 500 teŋgedei bolady. Endı mūny qazaqy miymyzda eseptep kep jıbersek, künıne kem degende bes saǧat jūmys ıstese, 32 500 teŋge. On künde jalaqyŋyz 325 000 teŋge. Al endı otyz künde...
Baiden mūndai şeşımge pandemiiadan tuyndaǧan daǧdarys saldarynan kelgenın aitady.
Onyŋ aituynşa, pandemiiadan tuyndaǧan daǧdarystan keiın el qalpyna kele bastaǧanda, saǧattyq jalaqy ösedı.
"Bız mūny joǧary jalaqymen, sonyŋ ışınde 15 dollarlyq eŋ tömengı jalaqymen, jaqsy jeŋıldıktermen jäne otbasyŋyzben qamtamasyz etuge mümkındık beretın küştı ūjymdyq şarttarmen jasaimyz", — dep jazdy Baiden. Osylaişa, 8 saǧattyq jūmys künınıŋ eŋ tömengı tölem mölşerı 120 dollardy nemese şamamen 51 430 teŋgenı qūraidy.
AQŞ Eŋbek ministrlıgı belgılegen eŋ tömengı jalaqy qazır saǧatyna $7,25 qūraidy – 3 100 teŋgeden säl artyq.
Baiqasaŋyzdar, qazırdıŋ özınde de amerikalyqtardyŋ saǧattyq jalaqysy az emes. Al endı osy qatarǧa bızdegı jalaqynyŋ saǧattyq mölşerın qoiyp, salystyryp jıbersek. Ärine, külkılı ärı öte ūiat jaǧdaiǧa tap bolarymyz anyq. Desek te, köreiıkşı. Bızdegı ortaşa ailyq jalaqy şamamen 150 myŋ teŋgenı qūraidy. Saǧat emes, kündık jalaqymyzdyŋ özı 5 myŋnan äreŋ asady eken. Al saǧatqa şaqsaq... är saǧatymyzǧa 1000 teŋgeden keledı. Onyŋ özınde künıne bes saǧattan jūmys ıstesek. Al ūmytpasaq, Qazaqstanda kemı segız saǧattyq, al şyndyǧynda on saǧattan jūmys ısteitınder köp. Demek, är saǧatymyz 500 teŋgeden eken. Bır AQŞ dollarynan säl ǧana asady. Al qazırgı pandemiia kezınde bar jūmysynan aiyrylyp, ükımetke alqan jaiqan halqyna bilık qanşa teŋge bergenı ärkımnıŋ esınde mäŋgı saqtalatyn şyǧar. Sol karantin kezınde taryǧyp qinalǧan sätterdı eske alǧanda, ä degennen halqynyŋ qaltasynyŋ qamyn oilaǧan prezidentten ainalyp ketedı ekensıŋ. Qazaqstanda tek ūrandatqan bastamalar bar. Jüzege asyp, halyqtyŋ äleumettık jaǧdaiyna ülken yqpal etıp jatqan bastamalar men ūrandar sausaqpen sanarlyq qana şyǧar, sırä. Soǧan qaramai, damyǧan elderdı betke alyp, sol köşke qosyluǧa asyǧyp ketıp barady elımız. Küleiık pe, jylaiyq pa?
Rauana DİMAŞQYZY,
"Adyrna" ūlttyq portaly.
Foto aşyq derekközden alyndy.Ūqsas jaŋalyqtar
