Shymkent qalasynda mal sharýashylyǵyn damytý jáne olarmen oryn alatyn arýlardyń aldyn alý boıynsha birqatar jumystar jasalýda.
Máselen, qalada iri qara maldardy asyldandyrý maqsatynda 13 qoldan uryqtandyrý beketteri jumys isteıdi. Bıyl 40,2 myń bas ýaq mal, 32,1 myń bas iri qara mal, 1,8 myń bas jylqy, 50 bas túıe, 1 000 bas shoshqany birdeılendirý josparlanǵan bolatyn. Búgingi tańǵa deıin 31,7 myń ýaq mal (78%), 17,1 myń IQM (53%), 1,4 myń jylqy (91%), 600 bas shoshqa (60%) birdeılendirildi.
Shymkent qalasynyń aýyl sharýashylyǵy jáne veterınarııa basqarmasynyń málimetinshe, janýarlar men adamǵa ortaq asa qaýipti 29 túrli aýrýǵa qarsy dıagnostıkalyq zertteýler men 14 túrli juqpaly aýrýǵa qarsy profılaktıkalyq egý jumystary júrgizildi.
Sondaı-aq, qalada aýyl sharýashylyǵy janýarlarynyń maýsymdyq enzootııalyq aýrýlardyń aldyn alý baǵytynda jumystar atqarylǵan. Jalpy 78,9 myń bas mal búrkilip, 119,9 myń bas ýaq maldar toǵytyldǵan. 27,5 myń qańǵybas ıt-mysyqtar aýlanyp, joıylǵan.
Shymkent qalasy ákiminiń baspasóz qyzmeti
