Shymkentte qysqa daıyndyq jumystary pysyqtalyp jatyr. Qala ákimi Murat Áıtenov arnaıy tehnıkalardyń qysqa daıyndyq jumystaryn pysyqtaý maqsatynda «LTD Turmys» JShS mekemesiniń tehnıkalyq bazasyn aralady.
Bıyl qala tazalyǵy úshin 20 jańa tehnıka, 4 gazel satyp alynǵan. Jalpy qazirgi tańda mekeme balansynda 258 dana tehnıka bar. Onyń ishinde 208-i arnaıy tehnıka bolyp esepteledi.
Jyl sońyna deıin taǵy 30 dana qoqys shyǵaratyn tehnıka, 10 dana kamaz satyp alynady eken. Sonymen qatar, «LTD Turmys» JShS mekemesiniń bazasynda 12130 m3 ınertti materıaldar jınalǵan. Bul kórsetkish jyl sońyna deıin 20000 tekshe metrge jetedi.
Odan ózge, qala ákimi kúzgi otyrǵyzylatyn aǵash-kóshetterdi kórdi. Atap aıtqanda bıyl qalada 100 dana qaraǵaı, 60 dana Qyrym qaraǵaıy, 40 kóshet kók shyrsha, jaı japyraqty aǵash - 18000 dana, lıgýstrým butaqshalary -50000 dana, raýshan gúlder - 36000 dana, 60 dana bozarsha egiledi.
Arnaıy tehnıkalardyń jaǵdaıymen tanysqan qala ákimi sala basshylaryna qys mezgiline 100 paıyz daıyn bolýdy tapsyrdy.
Shymkent qalasy ákiminiń baspasóz qyzmeti
