Şymkent qalasynyŋ audan aumaqtarynda qoǧamdyq oryndarda karantin talaptarynyŋ saqtaluy boiynşa monitoring jūmystary jalǧasuda.
Eŋbekşı audany boiynşa mobildık top audan aumaǧyndaǧy qoǧamdyq tamaqtanu oryndaryna kezektı baqylau ıs-şarasyn ūiymdastyrdy. Nätijesınde qoǧamdyq tamaqtanu ornynda karantin talabyn būzu jaǧdaiy, iaǧni otbasylyq ıs-şara ötıp jatqany anyqtaldy. Käsıpkerlık nysan basşysy äkımşılık jauapkerşılıkke tartyldy.
Audanda jergılıktı polisiia qyzmetı, tauarlar men qyzmetterdıŋ sapasy men qauıpsızdıgın baqylau bölımı, audan äkımdıgınıŋ mamandarynan qūralǧan 4 monitoringtık top jūmys ısteidı.
Audan äkımdıgı qala tūrǧyndaryna özınıŋ jäne özgelerdıŋ densaulyǧyna nemqūraily qaramauǧa, otbasylyq ıs-şaralardy ötkızbeuge jäne barlyq sanitarlyq-epidemiialyq talaptardy saqtauǧa şaqyrady.
Şymkent qalasynyŋ Aqparattyq-kommunikasiialyq ortalyǧy
