Shymkent qalasynda QR Azamattyq qorǵaý organdarynyń 25 jyldyǵyna oraı qalalyq Tótenshe jaǵdaılar departamentine órt sóndirý jáne avarııalyq-qutqarý jumystaryna arnalǵan kólikterdiń kiltin tabystaý rásimi ótti. Onda qutqarýshylarǵa kásibı merekeleri qarsańynda 31 dana zamanaýı arnaıy órt sóndirý tehnıkasy berildi.
Jıynǵa qala ákimi Murat Áıtenov, Belarýs Respýblıkasynyń «Pojsnab» JShQ dırektory Oleg Derıabın, qalalyq máslıhat depýtattary men Tótenshe jaǵdaılar departamentiniń jeke quramy qatysty.
Is-sharada sóz alǵan Shymkent qalasynyń ákimi Murat Áıtenov óz quttyqtaýyn jetkizdi.
- Syn saǵattarda erlik kórsetip, kómekke birinshi kelýge daıyn bolý úlken qurmetke laıyq. Bul jaýapty da, qıyn mamandyqty ıgerý kez kelgen adamnyń qolynan kele bermeıtin, shydamdylyqty qajet etetin asa mańyzdy is. Shymkenttik qutqarýshylar táýlik boıy turǵyndardyń qaýipsizdigin qamtamasyz etý úshin tynymsyz eńbek etýde. Ákimshilik-iskerlik ortalyqta 4 avtokólikke arnalǵan órt sóndirý deposy kesheniniń qurylysy júrgizilip otyr. Bul jumystar aldaǵy ýaqytta da óz jalǵasyn tabatyn bolady, - dedi Murat Dúısenbekuly.
Sonymen qatar, shahar basshysy bıyl 9 aıda qala aýmaǵynda órttiń sany 10,8 proent, adamdardyń órtte qaıtys bolý jaıty 20 proentke tómendep otyrǵanyn tilge tıek etip qutqarýshylarǵa óz alǵysyn bildirdi. Sondaı-aq, Shymkentte ýly jáne tabıǵı gazdan ýlanýdan qaıtys bolǵandardyń sany 16 proentke, materıaldyq shyǵyndar 3,6 proentke tómendegen.
Merekelik shara barysynda Azamattyq qorǵaý organdarynyń 25 jyldyǵyna oraı qyzmetin minsiz oryndaǵany úshin 10-ǵa tarta qyzmetker qala ákiminiń Alǵys hatymen marapattaldy.
Shymkent qalasy ákiminiń baspasóz qyzmeti
