Ázirbaıjan tek qana soǵys alańynda emes, dıplomatııalyq maıdanda da jeńiske jetip jatyr. Qalaı bolǵanda da osy soǵysqa tyńǵylyqty daıyndalǵany kórinip tur, óıtkeni ármenderdiń úgit-nasıhaty qatty damyǵany sondaı, qadam basqan saıyn ótirikti shyndaı, shyndy sýdaı etip jetkizýge ábden mashyqtanypty. Olaı bolýy zańdy da, óıtkeni oqytýshylary gıbrıdtik soǵystyń has sheberleri reseılikter ǵoı.
Aıtqandaı, Reseıdiń ıdeologııalyq tizginin ustap otyrǵandar osy ármender. Olar tek qana BAQ ókilderi emes, basqa da salalarda, sarapshylar, kómekshiler, aqylshylar esebinde Reseı keńistigin túgelge jýyq jaýlap alǵan eken. Kezinde Mıkoıanǵa arqa súıegen Mırzoıandar qazaq ıntellıgenııasyn túgeldeı atyp-asqanda osyndaı kremldik mafııaǵa arqa súıegeni endi belgili bolyp otyr. Oǵan deıin ol Ázirbaıjandy basqaryp, onda da talaıdy sorlatqany belgili boldy.
Endi ázirbaıjandar Gıanjy qalasyn atqylaǵany úshin isterin h/a sotqa daıyndap jatsa, Barda qalasyn atqylaǵany úshin de h/a sotqa beretin bolypty. EO, basqa da qoǵamdyq uıymdardyń ókilderin Bardaǵa shaqyrtyp, ármenderdiń ne istegenderin kórsetýde. H/a Human Rights Watch uıymy da ármenderdiń beıbit qalalardy atqylaýda kassettik bombalardy qoldanǵanyn qýattapty. Al bul degenimiz áskerı qylmys, Jeneva konvenııasyn óreskel buzý bolyp tabylady.
Ázirbaıjandardyń bul isi óte quptarlyq. Olardy qadam bastyrmaı árbir isin fotoǵa, vıdeoǵa túsirip qunttap otyrmasa, erteń sotta olardyń qylmysyn dáleldeý múmkin bolmaı qalýy múmkin, sebebi Batys elderi túgelge jýyq ishteı ármenderdi qoldap otyrǵany anyq. Ázirbaıjandardyń sondaı-aq árbir urys qımyldaryn, olardyń eshqandaı da beıbit qalalar men óndiris oryndaryn, ınfrastrýktýralardy bombalap jatpaǵanyn kórsetetin vıdeolar men basqa da materıaldardy qunttap jınaqtap, hattap jatqandary belgili, óıtken olardy tek solaı ǵana jeńýge bolady. Muny bizdiń bılik organdary da eskerip otyrýy qajet degim keledi, kim bilipti alda qandaı zaman kútip turǵanyn. Olardy tek osylaısha, óz aıtqandaryn ózderine moıyndatý arqyly ǵana jeńýge bolady.
Qýanysh EDILHANTEGINIŃ jazbasynan.
Foto ashyq derekkózden alyndy.
