Ustazdarǵa jalǵan dıplom berýshiler kóbeıgen

3900
Adyrna.kz Telegram

«Daryn» respýblıkalyq ǵylymı-praktıkalyq ortalyǵy ártúrli konkýrstar men olımpıadalardyń jeńimpazdary men júldegerleriniń dıplomdaryn ózge tulǵalar qoldan jasaı bastaǵan jaǵdaılar jıilep ketkenin habarlaıdy dep jazady «Adyrna» ulttyq portaly ortalyqtyń resmı saıtyna silteme jasap.

Mysaly, búgin bir adamnyń osy ortalyqtan 2020 jylǵy «Pedstart» olımpıadasy boıynsha dıplom alǵany týraly aqparat túsken. Alaıda, ondaı olımpıada «Daryn» respýblıkalyq ǵylymı-praktıkalyq ortalyǵynda  áli ótkizilmegen.  Árıne, mundaı áreketter QR Qylmystyq kodeksiniń 385-babyna sáıkes jaýapkershilikke tartylady. Sonymen qatar, Ortalyq jasandy marapat dıplomdaryn jasaǵandar týraly aqparat quqyq qorǵaý organdaryna beriletinin málimdedi.

Árbir oqıǵaǵa «Daryn»  RǴPO dıplomdary biregeı dızaın boıynsha qurylady, óziniń serııalyq nómiri bolady jáne beriletin qujattar tizilimine engiziledi. Uıym «Daryn» RǴPO-dan qujattyń (dıplom, gramota, sertıfıkat) túpnusqalyǵyn surata alady.

«Daryn» RǴPOnyń atynan keıbireýler túrli jarysqa qatysýǵa usynys ta jasaıdy eken. Osyǵan baılanysty Ortalyq aqparatty tek resmı https://daryn.kz/ saıtynan alýǵa keńes beredi.

Sondaı-aq, kóptegen adamdar "Daryn.sondaı-aq "KazDaryn" JShS jáne "Daryn"respýblıkalyq ǵylymı-praktıkalyq ortalyǵymen shatystyrady.

«Daryn.online " onlaın oqytýdy júrgizetin jeke uıym bolyp tabylady, al "KazDaryn" JShS Halyqaralyq onlaın akademııa ataýymen olımpıadalardy jeke tártipte ótkizedi.

 

Pikirler