Oqu-aǧartu ministrlıgı, jetekşı joǧary oqu oryndary men «Daryn» respublikalyq ǧylymi-praktikalyq ortalyǧynyŋ bırqatar lauazymdy tūlǧalary men qyzmetkerlerı tärtıptık jazaǧa tartyldy. Būl şaralar Joǧary auditorlyq palatanyŋ tapsyrmasy boiynşa jüzege asyrylǧan, dep habarlaidy «Adyrna» tılşısı Zakon.kz-ke sılteme jasap.
«Biyl aqpan aiynda orta bılım berudı damytuǧa baǧyttalǧan biudjet qarajatynyŋ tiımdı paidalanyluyna baǧa beru maqsatynda memlekettık audit jürgızıldı. Tekseru barysynda audit mamandary pedagogterdı daiarlau men jūmysqa ornalastyru, oqu prosesın ädıstemelık tūrǧyda qamtamasyz etu, memlekettık retteu jäne basqa da baǧyttar boiynşa bırqatar mäsele men kemşılık anyqtady», - delıngen habarlamada.
Tärtıptık jauapkerşılıkke tartylǧan rektorlar men şeneunıkter tızımı jariialanǧanymen, onda adam attary körsetılmegen.
Osyǧan bailanysty palata uäkılettı memlekettık organdar men ūiymdardyŋ basşylaryna zaŋ būzuşylyqtarǧa jol bergen lauazymdy tūlǧalardy jauapkerşılıkke tartu turaly mäselenı qaraudy tapsyrǧan.
Tärtıptık jazaǧa myna lauazymdy tūlǧalar men qyzmetkerler tartyldy:
- Oqu-aǧartu ministrlıgınıŋ Orta bılım komitetı töraǧasynyŋ orynbasary;
- Oqu-aǧartu ministrlıgınıŋ Bılım sapasyn qamtamasyz etu komitetı töraǧasynyŋ orynbasary;
- Ş. Esenov atyndaǧy Kaspii tehnologiialar jäne injiniring universitetınıŋ rektory;
- Q. A. Iаsaui atyndaǧy Halyqaralyq qazaq-türık universitetınıŋ rektory;
- Y. Altynsarin atyndaǧy Arqalyq pedagogikalyq institutynyŋ prorektory;
- S. Amanjolov atyndaǧy Şyǧys Qazaqstan universitetınıŋ prorektory;
- L. Gumilev atyndaǧy Euraziia ūlttyq universitetınıŋ prorektory;
- M. Ötemısov atyndaǧy Batys Qazaqstan universitetınıŋ prorektory;
- Qorqyt ata atyndaǧy Qyzylorda universitetınıŋ prorektory;
- akademik A. Quatbekov atyndaǧy Halyqtar dostyǧy universitetınıŋ prorektory;
- Ş. Mūrtaza atyndaǧy Halyqaralyq Taraz innovasiialyq institutynyŋ prorektory;
- M. Qozybaev atyndaǧy Soltüstık Qazaqstan universitetınıŋ dekany;
- A. Myrzahmetov atyndaǧy Kökşetau universitetınıŋ kafedra meŋgeruşılerı;
- Y. Altynsarin atyndaǧy Ūlttyq bılım akademiiasynyŋ qarjy-ekonomika departamentınıŋ direktory jäne jetekşı ǧylymi qyzmetkerlerınıŋ bırı;
- M. Äuezov atyndaǧy Oŋtüstık Qazaqstan universitetınıŋ mamandary.
Sonymen qatar tärtıptık jazaǧa «Daryn» respublikalyq ǧylymi-praktikalyq ortalyǧynyŋ bölım basşylary men ädıskerlerı de tartyldy.
