Basty bet
Aqtóbe
Aqtóbede Abaı Qunanbaıulynyń eskertkishi ashyldy

Aqtóbede Abaı Qunanbaıulynyń eskertkishi ashyldy

27.10.2020

2285

Seısenbi, 27 qazan kúni Aqtóbe oblysynyń ákimi Ońdasyn Orazalınniń qatysýymen Aqtóbe qalasynda uly oıshyl, qazaqtyń bas aqyny Abaı Qunanbaıulynyń eskertkishi ashyldy.
Atalǵan sharaǵa elimizge tanymal aqyn-jazýshylar, Qazaqstan Jazýshylar Odaǵynyń Basqarma tóraǵasy Ulyqbek Esdáýlet, aqyn Aqushtap Baqtygereeva, ShQO Abaı aýdanynyń ákimi Jarqynbek Baısabyrov jáne oblys turǵyndary men zııaly qaýym ókilderi qatysty.
Aıshyqty sharada quttyqtaý sóz sóılegen oblys basshysy O.Orazalın uly aqynnyń halqymyzdyń ómirinen alar aıshyqty ornyn atap ótip, qurmetti qonaqtarǵa alǵysyn bildirdi.
«Bıyl elimizde uly aqyn Abaı Qunanbaıulynyń týǵanyna 175 jyl mereıtoıyna baılanysty kóptegen is-sharalar josparlanǵan bolatyn. Alaıda, əlemde oryn alyp jatqan epıdemıologııalyq ahýal elimizge keri əserin tıgizip josparlanǵan sharalar keıinge shegerildi. Degenmen, biz uly aqynǵa arnalǵan túrli sharalardy jańa formatta ótkizip kelemiz. Mine, búgin súıikti meken Aqtóbemizdiń dál ortasynan aıshyqty orynnan uly aqynnyń qurmetine eskertkish ashylǵaly otyr. Abaıdyń óleńderi men qara sózderinde ult bolmysy, bitimi, turmysy, tirshiligi, dúnıetanymy, rýhy kórinis taýyp keledi. Bıylǵy mereıtoı elge oı salatyn, taǵylymy mol naqty sharalarmen jalǵasýda. Álemge tanymal bas aqynymyzdyń eńbegin halyq bolyp ulyqtaý memleketimizdiń mereıin arttyrady. Uly oıshyldyń asyl murasyn ardaqtaý jáne jan-jaqty dáripteý – barshamyzdyń mindetimiz. Ol úshin búgingi býyn Abaı murasynan nár alyp, rýhanı kemeldenýi qajet. Bul úrdis Abaı jylynan keıin de jalǵasyn tabatyn bolady» - dedi oblys ákimi.
Eskertkishtiń ashylý saltanatynda Qazaqstan Jazýshylar Odaǵynyń Basqarma tóraǵasy U.Esdáýlet, aqyn A.Baqtygereeva quttyqtaý sóz sóılep, QR Mádenıet jáne sport mınıstriniń keńesshisi E.Jurynbaev mınıstrdiń arnaıy quttyqtaý sózin jetkizdi. ShQO Abaı aýdanynyń ákimi J.Baısabyrov uly aqynǵa qurmet kórsetip jatqan aqtóbelik aǵaıynǵa óz alǵysyn bildirdi.
Atap óteıik, eńseli eskertkish qala turǵyndarynyń kóp júretin jeri Abaı dańǵyly men Eset batyr kóshesiniń qıylysyna ornatyldy. Eskertkishtiń avtorlary Qazaqstan Respýblıkasynyń Mádenıet qaıratkeri, belgili músinshi, Qazaqstan sýretshiler Odaǵynyń múshesi Toqtar Ermekov jáne qalamyzdaǵy Áıteke bı, Jalańtós Bahadúr, Bókenbaı batyr, Álııa syndy tarıhı eskertkishteriniń avtory Jeńis Jubanqosov. Eskertkish Ekaterınbýrg qalasynda jasalynǵan. Eskertkishtiń jalpy bıiktigi 6,20 metr. Tuǵyry 2,40, músinniń ózi 3,80 metr.