Shymkentte sońǵy kezderi naýbaıhana óndirisine qyzyǵýshylyq artyp keledi. Bul salaǵa mamandanǵan jeke kásipkerler kásiptiń qyr-syryn meńgerip, turǵyndardy jumyspen qamtyp otyr.
Búginde Qarataý aýdany 330 kvartalda ornalasqan «Temırshıkov» JK-niń nan-toqash ónimderin óndiretin naýbaıhananyń qurylys jumystary júrgizilýde.
Jalpy aýmaǵy 7200 sharshy metrdi quraıtyn naýbaıhana táýligine qýattylyǵy 90 myń dana nan ónimderiniń túrlerin óndirýge baǵyttalǵan.65 myń dana áleýmettik nan (qalypty bólke nan) shyǵarýǵa áleýetti.
Jobanyń jalpy quny - 200 mln teńge. Kásipkerlik nysandy aǵymdaǵy jyldyń jeltoqsan aıynda iske qosý josparlanyp otyr. Atalǵan joba boıynsha 100-den asa adam jumyspen qamtylady.
Shymkent qalasy ákiminiń baspasóz qyzmeti
