Qaster men Murager bosqyn mártebesin aldy

1014

Qytaıda týǵan qandastarymyz Qaster Musahanuly men Murager Álimuly  bosqyn mártebesin aldy. Bul týraly belgili advokat Lázzat Ahatova feısbýk paraqshasynda jarııalady, dep habarlaıdy "Adyrna" tilshisi. 

"Súıinshi!!!
Qaster men Murager bosqyndyq mártebesin alypty! Arada túsiniksiz jaǵdaılar bolsa da, pendeshilikke salynatyn kez emes, eki jigit úshin ShYN JÚREGIMMEN QÝANYShTYMYN!
QASTER, MURAGER, qýanysh qutty bolsyn! Sender úshin qýanyshtymyn!
Táýelsiz Qazaqstannyń AZAMATY bolýlaryńa tilektespin! Osy ýaqytqa deıingi qıyn sátterińde, bostandyqqa shyqqan sátterińde birge bolsam da, aqyrǵy qýanyshty birge toılaıtyn kúndi jazbapty. Ol mańyzdy emes. Mańyzdysy- o bastaǵy maqsat oryndaldy! Endi Qazaqstanǵa ókpeleriń joq shyǵar)
Barlyq qıyndyq artta qalyp, bosqyndyqty da alatyn kúnimiz jaqyn dep, qansha sendirsem de,jeńiske jarty qadam qalǵanda, basqa advokattan arasha suraǵandaryń men úshin túsiniksiz bolǵany jasyryn emes. Múmkin, oǵan senderdiń kinálaryń joq shyǵar. Múmkin, bireýlerdiń saıası oıyny bolǵan shyǵar..Álbette solaı.. Alaıda bári aıaqtalǵanda kómek suraǵan Azanov áriptesim nege isti taǵy da sońyna jetkizbedi?..Múlde basqa ókil qatysypty komıssııaǵa..”Endi tipti qorǵaýshynyń da qajeti joq, komıssııaǵa ózderiń qatysa berseńder bolady, karantın aıaqtalǵan soń, bosqyndyqy da alasyńdar” - degen bolatynmyn. Ol kúnge de jettińder. Senimsizdik tanytyp edińder, endi bazbireýler sııaqty saıası oıyn oınamaǵanymdy túsingen bolarsyńdar..
Já, ókpe-renish aıtatyn ýaqyt emes, shynymen júregim jaryla, qýanyp otyrmyn! Estı sala shydamaı, post jazyp jatyrmyn.
P.S. Nurgúlge (Muragerdiń ápkesi) habarlasyp, bir-birimizdi quttyqtap, astanalyqtar ózimiz máre-sáre qýanyp jatyrmyz. “Qıyn sátterde jandarynda biz boldyq qoı, ony umytpaıtyn shyǵar, ekeýi. Astanaǵa kelgen soń, toılaımyz ǵoı, ápke”-dep jatyr Nurgúl de qýanyshy qoınyna syımaı “Toılaýdy qoıa bershi, maqsatymyz oryndalǵanyn aıtsaıshy. Qorǵaıtyn jerde qorǵadyq, endi qastarynda kim júrgeni mańyzdy emes, bar qıyndyq artta qaldy”-dep jatyrmyn.
Eki ulyń atamekende qaldy, QAZAQ ELIM!!!,"- dep súıinshi surady.

Eske sala ketsek, Qaster Musahanuly men Murager Álimulyna  "memlekettik shekarany qasaqana zańsyz kesip ótti" degen aıyp taǵylyp, sot úkimimen qamaýǵa alynǵan bolatyn. Jyl basynda Shyǵys Qazaqstan oblysy Zaısan aýdandyq soty Shyńjańnan Qazaqstanǵa ótken (qashqan)  eki etnıkalyq qazaqty bir jylǵa bas bostandyǵynan aıyrý týraly sheshim shyǵarǵan edi. Advokad Lázzat Ahatova qos qandasymyzdy qamaýdan bosatyp aldy.

Osy oqıǵadan soń olar advokat Baýyrjan Azanovtan kómek surap, ol osy isti qolǵa alǵan.

 

Pikirler
Redakııa tańdaýy