Búgin aqparattyq-kommýnıkaııalyq ortalyǵynda Shymkent qalasy Ál-Farabı aýdanynyń ákimi Ǵ.Máýlenqulovtyń qatysýymen brıfıng ótti. Baspasóz májilisinde Ǵabıt Patshahanuly aýdandaǵy 7 aıda atqarylǵan jumystardy qorytyndylap, onyń ishinde abattandyrý jumystaryna toqtaldy.
– Aýdan aýmaǵynda ornalasqan 672-i kóp qabatty turǵyn úı 400 aýlaǵa biriktirilgen. Memlekettik-jekeshelik áriptestik jobasy aıasynda 100 kóp qabatty turǵyn úıdiń aýlalaryn abattandyrý jáne balalar oıyn alańshalaryn ornatý jumystary oryndalyp, jalpy sany 100 aýla abattandyrylyp, turǵyndardyń ıgiligine tapsyryldy. Al búginde 83 kóp qabatty turǵyn úıdiń aýlasyn abattandyrý men balalar oıyn alańshasyn ornatý jumystary júrgizilýde, – dedi Ǵ.Máýlenqulov.
Aýdan ákiminiń aıtýynsha, turǵyndardyń qolaıly ómir súrýi úshin qóp qabatty turǵyn úı aýlalaryna jańa oryndyqtar, qoqys jáshikteri, besedkalar, trenajerlyq komplekster, zamanaýı úlgidegi balalar oıyn alańshalary men oıyn elementteri qoıylýda. Bul jumystar osy jyldyń qyrkúıek aıynda aıaqtalady.
Brıfıng barysynda aýdan əkimi sport salasynda istelinip jatqan jumystardy da tilge tıek etti. Sózine súıensek, bıýdjet esebinen 18 sport alańshasyn jóndeý maqsatynda qarjy qaralǵan. Odan bólek, oıyn oınaýshylarǵa qolaıly bolýy úshin jasandy gazon tóseý barysy qarastyrylyp, búginde 33 ashyq sport alańshasyna jóndeý jumystary júrgizilýde.
Baspasóz məjilisi sońynda Ǵabıt Patshahanuly Əl-farabı aýdanyndaǵy kóp qabatty turǵyn úılerdiń 71 paıyzy jylý maýsymyna daıyn ekenin jetkizdi.
Shymkent aqparattyq-kommýnıkaııalyq ortalyǵy
Foto – Bereke Seıitjappar
