Bul týraly búgin aqparattyq-kommýnıkaııalyq ortalyǵynda ótken baspasóz brıfınginde Shymkent qalasy Ál-Farabı aýdanynyń ákimi Ǵ.Máýlenqulov málimdedi.
– «Biz birgemiz» akııasy aıasynda az qamtylǵan kóp balaly otbasylarǵa, múmkindigi shekteýli bala qaraýshylarǵa, Tyl ardagerleri, UOS ardagerine teńestirilgender jáne eń tómengi zeınetaqy alýshy zeınetkerlerge aýdan boıynsha 5000 otbasyǵa 50000 teńgeden qarjylaı kómek berildi. Al ekinshi ret qarjylaı kómek I, II top múmkindigi shekteýli azamattarǵa jáne múmkindigi shekteýli bala qaraýshy 3400 otbasyǵa 50 myń teńgeden úlestirildi, – dedi Ǵ.Máýlenqulov.
Spıkerdiń sózine súıensek, aýdanda 7 aı ishinde 4135 otbasy ataýly áleýmettik kómek alýǵa ótinish bildirip, onyń 3678-i muqtaj dep tanylǵan. Onyń ishinde 1500-i kóp balaly otbasy qatarynda.
Ǵabıt Patshahanulynyń aıtýynsha, aýdan aýmaǵynda áleýmettik jaǵdaıy tómen, az qamtylǵan otbasylarǵa, jetim balalar úıine jáne múmkindigi shekteýli azamattarǵa arnalǵan qaıyrymdylyq is-sharalary turaqty túrde ótkizilip turady. Osy oraıda aýdan kásipkerleri men depýtattarynyń demeýshiligimen 3000-nan astam az qamtylǵan kóp balaly otbasylarǵa, múmkindigi shekteýli azamattarǵa, múmkindigi shekteýli bala qaraýshy otbasylarǵa, jalǵyz ilikti qarttarǵa jáne 134 Tyl ardagerine azyq-túlik t.b. kómek kórsetilgen.
Shymkent aqparattyq-kommýnıkaııalyq ortalyǵy
Foto – Bereke Seıitjappar
