Şymkent qalasynda qaŋtar-mausym aiynda eŋbek inspeksiia jäne köşı-qon basqarmasyna 581 azamattan aryz-şaǧym kelıp tüsken.
Basqarma mamandarynyŋ tekseru jürgızu nätijesınde 146 zaŋbūzuşylyq anyqtalyp, onyŋ 96-y joiyldy. Olarǧa 67 nūsqama berılıp, 1,8 million teŋgege 22 äkımşılık aiyppūl salynǧan.
Qazırgı taŋda, 6 käsıporynda 38 jūmyskerdıŋ jalaqy boiynşa
3,8 mln.teŋge bereşegı bar ekenın anyqtady. Atalǧan mekeme jetekşılerıne ūiǧarymdar şyǧaryp, qaryzdardy öteu boiynşa tiıstı jūmystar jürgızıp jatyr.
Sondai-aq, tötenşe jaǧdai kezınde aǧymdaǧy jyldyŋ 16 nauryzynan bastap azamattardyŋ 121 ötınışı qaralǧan, onyŋ ışınde eŋbek qatynasy - 85, eŋbek qauıpsızdıgı jäne eŋbektı qorǧau - 30, halyqty jūmyspen qamtu boiynşa – 6.
Sonymen qatar, qala äkımdıgınıŋ täulık boiy qyzmet körsetetın bırıŋǧai bailanys (call-center) ortalyǧyna 425 jeke jäne zaŋdy tūlǧalardan qoŋyraular kelıp tüsken. Olardyŋ bırı eŋbek demalysyna şyǧuǧa mäjbür etu, qysqartular jönınde saual qoisa, keibırı jūmystan bosatu syndy mäselelerımen habarlasqan.
Odan özge basqarma mälımetıne säikes, halyq pen bilık arasyndaǧy aşyqtyqty saqtau maqsatynda Basqarma basşysymen bügıngı künge deiın äleumettık jelılerde 27 tıkelei efir ötken. Onda üş jüzden asa oqyrman öz sūraqtaryna jauap alǧan.
Şymkent qalasy äkımınıŋ baspasöz qyzmetı
