Búgin «Nur Otan» partııasy Aqtóbe oblystyq fılıaly tóraǵasy, oblys ákimi Ońdasyn Orazalın praımerızge qatysqan kandıdattarmen kezdesti. Partııaishilik saılaýǵa belsendi atsalysqandary úshin olarǵa alǵys bildirip, alǵys hattarmen marapattady.
- Ózderińiz jaqsy bilesizder, qoǵam ózgerip, ómirimizge kún saıyn bir jańalyq engizilip keledi. Mundaı formattaǵy partııaishilik irikteý elimizde alǵash ret ótkizilip otyr. Saıası jańashyldyq halyq tarapynan úlken qyzyǵýshylyq týdyryp, el turǵyndary daýys berýde belsendilik tanytty. Aqtóbelik kandıdattar da el aldynda ózderiniń baǵdarlamalaryn tanystyryp, memleketimizdiń damýyna múddeli, jigerli, bilimdi ári belsendi azamattar ekendikterin kórsetti. Tirkelgen úmitkerler úgit-nasıhat jumystaryn ashyq ári belsendi júrgizdi. Bul «Nur Otan» partııasynyń Tóraǵasy, Elbasynyń bastamasymen kóterilgen jańashyldyqqa jáne partııa tarapynan atqarylyp jatqan jumystarǵa halyqtyń zor seniminiń odan ári artqanyn bildiredi, - dedi aımaq basshysy.
Jalpy, partııaishilik saılaýda Aqtóbe óńirinen 460 kandıdat baq synady. Olardyń 36,7 paıyzy – áıelder, 28 paıyzy – 35 jasqa deıingi jastar. Bastaýysh partııa uıymdarynan kandıdattardyń 50,4 paıyzy usynylsa, 49,6 paıyzy– ózin-ózi usynǵandar.
Tirkelgen úmitkerler úgit-nasıhat jumystaryn belsendi júrgizdi. Olar partııalastarymen 6 myńnan astam kezdesý ótkizip, óz baǵdarlamalaryn usyndy. Onyń 642-si onlaın formatynda uıymdastyryldy. 16 jerde ótken 87 jarııa pikirsaıysta túrli máseleler kóterilip, ońtaıly sheshý joldary aıtyldy.
Respýblıka boıynsha daýys berýge 700 myńǵa jýyq partııa múshesi qatysqan. Onyń ishinde Aqtóbe oblysynan 27 myńǵa jýyǵy óz tańdaýyn jasady. Bul oblystaǵy partııa músheleriniń 87 paıyzy.
Saılaýshylardyń basym bóligi, ıaǵnı 23,4 myń adam onlaın daýys berdi. Al 3430 partııalyq dástúrli ádisti paıdalanyp, saılaý ýchaskelerine keldi.
-Partııaishilik saılaýǵa belgili tulǵalar da, myqty kásipkerler de, jalyndy jastar da qatysty. Soǵan qaramastan bizge birdeı jaǵdaı jasaldy. Praımerız halyq arasyndaǵy aýqymdy máselelermen tanysýǵa múmkindik berdi. Daýys berý ashyq ári ádil ótti, - dedi kandıdat Juldyz Qojabekova.
