Shymkent qalasynda týrızmdi damytý maqsatynda otandyq BAQ ókilderi men týrıstik operatorlarǵa arnalǵan eki kúndik týrısttik-aqparattyq týr ótýde. Sharany «FlyArystan» áýe kompanııasynyń qoldaýymen Shymkent qalasynyń týrızm basqarmasy uıymdastyrdy.
Týr barysynda shahardyń basty kórnekti nysandary men kıeli, tarıhı oryndaryna, eski qalashyq pen etnoaýylǵa ekskýrsııa uıymdastyryldy. Sonymen qatar, olar gastronomııalyq jáne qysh óneri boıynsha master klasqa qatysty.
Shymkent — týrıstik mańyzy óte zor qala. Shahardyń ınfraqurylymy damyǵan. Ári ol — Qyrǵyzstan men Ózbekstandy Qazaqstannyń basqa óńirlerimen baılanystyratyn iri ortalyq.
Qalanyń 400 shaqyrym radıýsynda shamamen 25 mıllıon adam turady. Osy oraıda, Shymkent óziniń básekelestik artyqshylyqtaryn paıdalana otyryp, búkil ońtústik óńiriniń týrızmi úshin tirek ortalyqqa aınala alady.
Búginde qalalyq týrızm basqarmasy atalǵan salany odan ári damytý maqsatynda birqatar taldaý jumystaryn júrgizgen. Sóıtip oqıǵaly týrızm, tarıhı-minájat etý týrızmi, medıınalyq týrızm jáne iskerlik týrızm sekildi basym baǵyttardy aıqyndady.
Shymkent qalasy ákiminiń baspasóz qyzmeti
