«ADAL BILIM» jobalyq ofısiniń admınıstratory Sergeı Pen Facebook jelisindegi resmı paraqshasynda jobalarǵa bólinetin granttar, stıpendııalar men medaldary bar syıaqylar eshkimdi ǵylymı ortaǵa tarta almaıtynyn aıtty, dep habarlaıdy «Adyrna» ulttyq portaly.
«Qazaqstanda ǵalymdardyń eńbekaqysyn jeke qarjylandyrýdyń tikeleı kestesi bolmaıynsha, jobalarǵa bólinetin granttar, stıpendııalar men medaldary bar syılyqaqylar ǵylymı jáne akademııalyq ortaǵa eshkimdi de tarta almaıdy», - dedi ol.
Pen bul usynysty 1 qazan kúni QR Parlamenti Májilisi Jumys tobynyń «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly» jobasy aıasyndaǵy otyrysta málimdegen bolatyn. Osy oraıda, ol «ADAL BILIM» jobalyq ofısiniń atynan ǵalymdardyń eńbegin tikeleı qarjylandyrý júıesin qurý týraly usynys bildirdi.
«Biz qazirgi kezde qoldanylyp júrgen úsh nysanǵa (bazalyq, granttyq jáne NQB) qosa ǵylymdy qarjylandyrýdyń tórtinshi nysanyn – ǵalymdardyń eńbekaqysyn tikeleı qarjylandyrýdy engizýdi usynamyz. Negizgi maqsat – ǵylymı bilimniń sabaqtastyǵyn qurý jáne ǵylymı qyzmettiń nátıjelerin júıeleý. Bizdiń túsinigimiz boıynsha, eńbekaqyny tikeleı qarjylandyrý joǵary jáne joǵary oqý ornynan keıingi bilim uıymynda nemese ǵylymı uıymda qyzmet etetin ǵalymdarǵa qatysty ǵana júrgizilýi tıis», - dep atap ótti Sergeı Pen.
Qarjy mınıstrligi bul usynysqa qarsylyǵyn bildirdi. Resmı ókilderdiń aıtýynsha, qazirgi tańda elimizde bıýdjettik qarjylandyrýdyń eki nysany ǵana oryndalýy múmkin – smetalyq jáne memlekettik tapsyrys. «Usynylyp otyrǵan nysan qarjylandyrý shemalaryna saı kelmeıd»,-dedi mınıstrlik.
«Adyrna» ulttyq portaly
