Keshe ǵana Pavlodar oblysynyń Ekibastuz qalasy jastar bastamalaryn damytý ortalyǵynyń basshysy Maral Qaragesekovanyń praımerız debatynda "memlekettik tilimiz ekeý" dep aıtqan sózi jeli qoldanýshylary men belsendi azamattardyń ashýyn týdyrǵan edi. "Adyrna" ulttyq portaly el ishine iritki salar mundaı isterdiń kóbeıe berýi qoǵamǵa ornyqsyzdyq ákeletinin eskere otyryp, keshe jarııalanǵan aqparattyń rastyǵyn dáleldeıtin vıdeony da jarııalaýdy jón kórdi.
"Memlekettik mekemede eki til qatar júredi, bilmeseńiz, bilip alyńyz" Esenbek Sanatuly atty jeli qoldanýshysy: "Memlekettik mekemede qyzmet etetin basshynyń osyndaı saýatsyz bolýy tańqalarlyq jaǵdaı. Zańdy bilmeıtin sheneýnik qyzmetinen ketsin. Nur Otan, Ekibastuz ákimdigi qaıda qarap otyr? Álde olarda Qazaqstanda eki memlekettik til bar dep esepteı me? Oblystyq mádenıet jáne tilderdi damytý, arhıv isi basqarmasy basshysynyń qulaǵyna dáý altyn syrǵa", "Onymen qoımaı saıası saýatsyz sheneýnik praımerızge qatysyp jatyr deı me? Jetisken ekenbiz" dep pikir qaldyrypty.
Sonymen qatar, jeli betinde jeldeı esken narazy pikirler tizbegi tómendegideı:
Janargúl Qadyrova: Ekibastuz qalasy jastar bastamalaryn damytý ortalyǵynyń basshysy Maral Qaragesekovanyń praımerız debatynda memlekettik tilimiz ekeý dep aıtqanyn estip, úndemeı otyra almadym. Muny birqatar til janashyrlary rastady. Áleýmettik jelide pikir bildirgen Maral sııaqty qyzmetkerlerdiń dostarynyń "Memlekettik mekemede eki til qatar júredi, bilmeseńiz, bilip alyńyz" dep dikińdeýinen men kóptegen saýatsyz jastardyń memlekettik til mártebesin eki tildiń qoldanylý múmkindigimen shatastyryp júrgenin uqtym. Bul - tilimizge tóngen qara bult! Zańdy durys bilmeıtinderdi memlekettik mekemeden alastatý kerek!
