Ūlttyq qauıpsızdık qyzmetı töraǧasynyŋ būrynǧy orynbasary Samat Äbıştıŋ 8 jylǧa şartty türde sottaluy qanşalyqty zaŋdy? Būl sūraqqa joǧarǧy sottyŋ qylmystyq ıster jönındegı sot alqasynyŋ töraǧasy Nazgül Rahmetullina jauap berdı, dep habarlaidy “Adyrna” ūlttyq portaly.
Rahmetullinanyŋ aituynşa, mūndai jaǧdailarda şartty türde sottau jiı kezdesedı.
"Şartty jaza jiı qoldanylady. Ol asa auyr qylmystar üşın qoldanylmaidy, eger jazalau merzımı 12 jyldan asqan bolsa, sybailas jemqorlyq qylmystary üşın qoldanylmaidy. Ol adamnyŋ būryn
sottalǧan-sotylmaǧany, mınezdemesı, qylmys jasau kezınde keltırılgen zalaldy ötegen-ötemegenı eskerıledı. Şartty jaza jiı qoldanylady, naqty sifrlardy qazır aita almaimyn", - dedı sot alqasynyŋ töraiymy Parlament kuluarynda.
Sondai-aq, ol Qylmystyq kodekstıŋ 63-babynda şartty türde jaza qoldanylmaityn qylmystardyŋ tızımı bar ekenın aitty.
"Tyiym salynbaǧan jaǧdaida, şartty türde jaza qoldanuǧa negız bar ma, joq pa, sot jeke-jeke şeşım qabyldaidy", - dedı alqa basşysy.
