Qazaqstanda 2008 jyldan bastap qabyldanǧan «Diplommen auylǧa» jobasy bügınge deiın jüzege asyrylyp keledı. Jobanyŋ negızgı maqsaty –auyldyq eldi mekenderge jūmys isteuge jäne tūruǧa kelgen densaulyq saqtau, bilim beru, äleumettik qamsyzdandyru, mädeniet, sport jäne agroönerkäsıptık keşenı salasyndaǧy mamandarǧa äleumettik qoldau körsetu. Biylǧy jyly osy jobanyŋ qaǧidalaryna özgerıster engızılıp, memlekettık körsetıletın qyzmet standarty jaŋadan bekıtıldı. Sonymen 2020 jyly engızılgen özgerıster qandai?
Memlekettık qyzmetkerler «Diplommen auylǧa» jobasyna qosyldy
Endı «Diplommen auylǧa» baǧdarlamasyna kent jäne auyldyq okrug äkımı apparatynyŋ memlekettık qyzmetşılerı de qatysa alady. Būl turaly QR Memlekettık qyzmet ısterı agenttıgınıŋ Qyzylorda oblysy boiynşa departamentınıŋ basşysy Nūrman Talqanbaev brifingte mälımdedı.
2020 jylǧy 3 şıldede «QR keibır zaŋnamalyq aktılerıne memlekettık qyzmet mäselelerı boiynşa özgerıster men tolyqtyrular engızu turaly» zaŋ qabyldanyp, 1 kodeks pen 5 zaŋǧa özgerıster engızılgen.
Engızılgen özgerısterge säikes, kent jäne auyldyq okrug äkımı apparattarynyŋ memlekettık qyzmetşılerıne «Diplommen auylǧa» baǧdarlamasynyŋ igılıgın köru mümkındıgı jasalyp otyr.
Taǧy bır jaŋa özgerıs «A» korpusynyŋ memlekettık äkımşılık qyzmetınıŋ kadr rezervı joiylady
«Basty özgerısterdıŋ bırı –memlekettık qyzmetke kıru üşın konkurstyq räsımder oŋtailandyryldy. Atap aitqanda, konkurstyq ırıkteu 3 kezeŋnen 2 kezeŋge qysqartyldy. Iаǧni, barlyq memlekettık organdardyŋ memlekettık qyzmetşılerı arasyndaǧy ışkı konkurs pen jalpy konkurs bırıktırıldı», - dedı N.Talqanbaev.
Osy kezge deiın konkurstardyŋ üş türın ötkızu bos oryndardy toltyru üşın köp uaqytty talap etetın. Bos lauazymdarǧa ornalasu konkurstarynyŋ barlyq kezeŋderın ötkızu üşın 50 jūmys künıne deiın sozylatyn, al qazırgı uaqytta būl räsım 15 jūmys künıne deiın qysqartylǧan.
Jaŋa ereje boiynşa jas maman tūrǧyn üi satyp aluǧa bölıngen qarjyny jaqyn tuystarynan baspana satyp aluǧa qoldana almaidy. Sonymen qatar özgerıske sai baǧdarlamaǧa qatysuşynyŋ «nesie tarihy» da sūralady. Bereşegı tolyq ötelmegen jastar baǧdarlamaǧa ūsynylmaidy.
Būl turaly Öŋırlık kommunikasiialar qyzmetınıŋ aqparat alaŋynda ötken brifingte oblystyq ekonomika jäne biudjettık josparlau basqarmasy basşysynyŋ orynbasary Almagül Nūrasylova baiandady:
«Engızılgen özgerısterge säikes «Diplommen auylǧa» baǧdarlamasymen barǧan maman tūrǧyn üi satyp aluǧa biudjettık kredit türındegı äleumettık qoldau şaralary arqyly jaqyn tuystarynan tūrǧyn üi-jai satyp ala almaidy. Kredittık biurodan nesie tarihyn ūsynady jäne kez kelgen nesie boiynşa bereşek bolǧan jaǧdaida olardy tolyq ötegen sätke deiın berılmeidı. Sondai-aq, «Diplommen auylǧa» baǧdarlamasy boiynşa jūmysqa ornalasqan jaǧdaida qūjattardy «Azamattarǧa arnalǧan ükımet» memlekettık korporasiiasy» kommersiialyq emes aksionerlık qoǧamy nemese elektrondy veb-portaly arqyly ūsynady»,-dedı Almagül Rahmanberdıqyzy.
Sonymen qatar öŋırde «Diplommen auylǧa» jobasy aiasynda auyldyq eldı mekenderge baryp, bılım, densaulyq saqtau, mädeniet, sport, äleumettık qamsyzdandyru, agroönerkäsıptık keşenı salasy boiynşa jūmysqa ornalasqan 378 mamanǧa jergılıktı biudjetten bırjolǧy köterme järdemaqy tölendı. Al 549 mamanǧa jeŋıldetılgen nesiemen tūrǧyn üi aluǧa nemese saluǧa respublikalyq biudjetten qarjy bölındı.
Qazırgı taŋda joba aiasynda auyldyq eldı mekenge barǧan maman jūmysqa ornalasqan jaǧdaida 100 ailyq eseptık körsetkış (2778*100 AEK=277 800 teŋge) kölemınde bırjolǧy köterme järdemaqy alady. Al tūrǧyn üi salu nemese satyp alu üşın 1500 ailyq eseptık (1500*2778 AEK=4 167 000 teŋge) körsetkışten aspaityn kölemde 15 jylǧa deiıngı merzimge jyldyq 0,01 % syiaqy mölşerlemesımen biudjettık nesie türınde äleumettık qoldau şaralaryn alu mümkındıgı bar.
Alaida jastar üşın qolaily dep sanalǧan būl baǧdarlamanyŋ kemşıl tūstary da bar bolyp şyqty. Būl jaiynda jazylǧan pıkırlerdı de nazarlaryŋyzǧa ūsynamyz:
Meiırbek: Menıŋ jūbaiym tapsyrǧan edı, otkaz berdı(sebebı: mamandyq sūranysqa sai kelmeidı) dep körsetılgen. Keiınnen ol jaqtan mamanǧa sūranys aldyryp tapsyrsaq, taǧy otkaz keldı. Būl qanşalyqty zaŋǧa sai?
Jūldyzai: Ne üşın kreditterı bar mamandarǧa būl baǧdarlama berılmeidı? Qazırgı taŋda är studenttıŋ basynda kreditı bar! Onda auylǧa baryp eŋbek etudıŋ qajetı qanşa? Jastardy qoldaǧany osy ma??? Osy ıstı qaita oilastyrularyŋyzdy sūraimyn!!!
Qydyrbek: Mektepte ısteitın IT salasynyŋ mamandaryna nege osy baǧdarlama boiynşa jeŋıldıkter berılmeidı? Eŋbek aqaulary öte az. Sondyqtan myqty mamandar mektepte jūmys ıstegısı kelmeidı.
Al sızdıŋ būl özgerıske pıkırıŋız qandai?
Jansaia SMAN,
«Adyrna» ūlttyq portaly
Ūqsas jaŋalyqtar
