Keşe britaniialyq ekonomist-iurist Suma Chakrabarti el prezidentı Qasym-Jomart Toqaevtyŋ ekonomikalyq damu mäselelerı boiynşa ştattan tys keŋesşısı lauazymyn ielenıp, jūrt qyzu talqyǧa salǧan bolatyn. Bügın däl sol Suma Chakrabarti Özbekstan Respublikasynyŋ prezidentı Şavkat Mirziiaevtıŋ de keŋesşısı bolyp taǧaiyndaldy. Qos bırdei prezidenttıŋ keŋesşısı lauazymyna ie bolǧan Suma Chakrabarti kım?
Ol 1959 jyly Ündıstannyŋ Djalpaiguri qalasynda tuǧan. 1964 jyly otbasymen Ūlybritaniiaǧa köşıp barǧan. Oksfordtyŋ tülegı: filosofiia, saiasattanu, ekonomika salalary boiynşa mamandanǧan. Ūlybritaniianyŋ azamaty.
Chakrabarti 1984 jyly Ūlybritaniianyŋ Syrtqy damu basqarmasynda (ODA) aǧa ekonomikalyq kömekşı bolyp qyzmet etedı.
1980 jyldary Ūlybritaniia ükımetı ony Halyqaralyq Valiuta Qory men Düniejüzılık bankke qyzmet etuge jıberedı.
1996 jyly ol Ūlybritaniianyŋ Qarjy ministrlıgınıŋ rölın atqaratyn Ūly Märtebelı Qazynaşylyqqa (Her Majesty's Treasury) auysyp, sodan keiın premer-ministr Toni Blerdı qoldau üşın tiımdılık pen innovasiia boiynşa jaŋa ortalyq bölımşe qūruǧa jauapty bolady.
2001 jyly Chakrabarti aimaqtyq damu baǧdarlamalary boiynşa halyqaralyq departamenttıŋ bas direktory bop sailandy. Onyŋ qaramaǧynda Afrika, Aziia, Şyǧys Europa, Karib teŋızı jäne Latyn Amerikasynan 1200 qyzmetker bolady. Sondai-aq ol 2009 jyly 8 jeltoqsanda 2003 jyly bolǧan Ūlybritaniianyŋ İrakqa şabuylyn talqylap, «İrak tergeuınde» kuälık beredı.
2002-2007 jyldary halyqaralyq damu ministrlıgınde tūraqty hatşy boldy, sodan keiın osy lauazymyn 2012 jylǧa deiın Ädılet ministrlıgınde jalǧastyrady. Ol osy kezeŋdegı özınıŋ basty jetıstıgınıŋ bırı Ministrlıktıŋ jūmys ısteuınıŋ jaŋa modelın äzırleu jäne engızu dep esepteidı. Osynyŋ arqasynda milliard funt sterlingten astam qarajat ünemdei alǧan.
2012 jyly Chakrabarti Europalyq Qaita Qūru jäne damu bankınıŋ (EQDB) prezidentı bolyp sailanyp, būl qyzmetın 2020 jyldyŋ 2 şıldesıne deiın jalǧastyrady. Ol EQDB bankınde qyzmet ete otyryp, ülken reformalar jasai aldym dep mälımdegen.
Chakrabartidıŋ Qazaqstanmen bailanysy jaily 2013 jyly «Pavlodarenergo» AQ-na (80 million dollar somasynda), «Sevkazenergo» AQ-na (40 million), «Pavlodar AEK» AQ-na jäne «Soltüstık Qazaqstan AEK» AQ-na (9 million dollardan) EQQDB-nıŋ nesie qarajatyn bölu turaly kelısımge qol qoiǧany turaly aqparat bar. Būdan bölek, 2016 jyldyŋ mamyr aiynda Charkabarti Şyǧys Qazaqstan oblysyn sumen qamtu üşın jalpy somasy 4,4 milliard teŋgege jobany qoldau turaly şartqa qol qoiǧan.
Chakrabarti osy jyldyŋ 2 nauryzynda premer-ministr Asqar Maminmen kezdesıp, Ülken Almaty ainalma avtomobil jolyn salu memlekettık-jeke ärıptestık salasyndaǧy ırı jobany ıske asyru mäselelerın talqylaǧan. Premer-ministrdıŋ aituynşa, ötken 27 jyl ışınde EQQDB-nıŋ Qazaqstannyŋ qarjy, infraqūrylym, energetika, auyl şaruaşylyǧy salalaryna, IT-tehnologiialar men kommunaldyq qyzmetter sektorlaryna, sondai-aq şaǧyn jäne orta biznestı qoldau boiynşa salǧan investisiialarynyŋ kölemı 271 joba üşın $9 mlrdtan asqan.
Foto aşyq derekközden alyndy
Aijan PERDEBEKQYZY
«Adyrna» ūlttyq portaly
