Máskeýdegi qyrǵyz dıasporasynyń tóraǵasy, Qyrǵyzstannyń Reseıdegi burynǵy elshisi, Reseı prezıdenti janyndaǵy ultaralyq qarym-qatynastar jónindegi komıssııanyń sarapshysy Raıymqul Attakýrov «Pravda.rý» portalyna bergen suhbatynda Qyrǵyz Respýblıkasynyń Reseıge qosylýy talqylanyp jatqanyn aıtqan.
Onyń sózinshe, Qyrǵyz Respýblıkasy Sovet kezindegi elder arasynda orys tiline memlekettik, konstıtýııalyq mártebe berip otyrǵan jalǵyz memleket eken.
«Tarıhı turǵydan alyp qaraǵanda, Reseı men Qyrǵyzstanǵa birigip, birge bolý taǵdyry jazylǵan. Talaı ǵasyr boıǵy tarıhymyz ortaq, bolashaqta da osylaı bola beredi dep senemin. Qazir kóptegen qyrǵyzdar Reseı quramyna qosylýdy surap, Reseı Federaııasyna júgingeli júr», – depti Attakýrov.
«Qyrǵyzstanda shynymen Reseıge qosylý máselesi qarastyrylyp jatyr ma?» – dep naqty qoıylǵan suraqqa burynǵy elshi nyq senimmen: «Iá, Qyrǵyzstanda mundaı áńgime jıi aıtylady», – depti. «Qyrǵyzstanda da, osy Máskeýdegi dıasporalyq ortada da respýblıkanyń Reseı quramyna qosylý qajettigi jıi kóterilip, kóp talqylanady. Árıne, muny bas salyp birden jasaı almaımyz. Menińshe, ýaqyt óte kele, Reseımen qosylý baǵytyna qaraı júrý kerek, ómirdiń ózi bizdi birigýge ıtermelep otyr, – dep málimdegen.
Búgin Qyrǵyz Respýblıkasynyń Reseıdegi elshiligi «Pravda.rý» basylymyndaǵy málimdemege jaýap berdi.
"Qyrǵyzstan - táýelsiz, egemendi memleket jáne halyqaralyq qoǵamdastastyqtyń tolyqqandy múshesi. Orys tili Qyrǵyz Respýblıkasynyń memlekettik tili emes, resmı tili bolyp sanalady.
Qyrǵyzstan basshlyǵy elimizdiń egemendigin, aýmaqtyq tutastyǵyn jáne ulttyq múddelerin saqtaý saıasatyn júrgizip jatyr. Sonymen qatar, Qyrǵyzstan men Reseı qatynasy ózara túsinistik jaǵynan qarqyndy damyp keledi.
Bizdiń elderdi tarıhymyz jáne eýrazııalyq qundylyqtar biriktiredi. Qyrǵyzstan men Reseı - senimdi seriktes", - delingen resmı habarlamada.
Elshilik qoǵamdyq tártipsizdik týǵyzatyn, memleket múddesinne nuqsan keltiretin pikirlerdi jarııalaýdan bas tartýǵa shaqyrǵan.
"Adyrna" ulttyq portaly
Foto ashyq derekkózden alyndy
