Qoǵam qaıratkeri Orazkúl ASANǴAZY Otbasy kúni aıasynda ulttyq tárbıe berý men otbasy qundylyqtaryn nyǵaıtý máseleleri boıynsha onlaın ótken dóńgelek ústel barysynda oryssha oqytatyn bilim mekemelerindegi qazaq tili máselesin kóterdi dep jazady Baq.kz.
«Orys mektebiniń ózinde synyptan tys, dálizdegi áńgime qazaqsha bolýy kerek. Maqul, biz bir mektep emes, tórt buryshyna tórt mektep qaldyraıyq. Qalǵandarynyń barlyǵy qazaq mektebi bolýy kerek. Mektepterdi qazaqshalaý úshin ata-analarmen mektep jumys isteýi kerek. Otbasyny kim tárbıeleıdi? Otbasyny ustaz tárbıeleıdi. Ustaz bedeli buıryqpen, zańmen kelmeıdi. Onyń bedeli biliminiń joǵary ekenin ata-ana aldynda dáleldeıdi», - dedi ol.
Orazkúl Asanǵazy Bilim jáne ǵylym mınıstri Ashat Aımaǵambetovke ótinish jasady.
«Emtıhan alatyn bolsa, orys tili synybynda otyrǵan 90 paıyz qazaqtyń 9 aýyz sóz qazaqsha bilmeıtini bar. Zııatkerlik mekteptiń orys tili synybynda otyrǵandardyń arasynda qazaqsha bir sóz bilmeıtin oqýshylar bar. Men kolledjderdiń akkredıtteý keńesiniń múshesimin. 50 topta bir qazaq toby joq kolledjder bar. Sonda ol oqytyp shyǵarǵan dáriger, slesar, mal dárigeri qashan qazaqsha úırenedi? Sol kezde úırenbegende», - dedi ol.
Qoǵam qaıratkeri Bilim jáne ǵylym mınıstri tildi jónge qoıý úshin isteıtin jumys boıynsha buıryq shyǵarýy keregin aıtty.
«Orys mektebiniń de, aralas mekteptiń dırektory de qazaqsha bilýi kerek. Buıryq shyǵarmasa, úndemeıdi. Sóıleskende qazaqshaǵa yńǵaıy joq dırektorlardy basy altyn bolsa da, dırektorlyqqa qoımaý kerek. Ultjandy emes adamdy dırektorlyqqa múldem otyrǵyzbaý kerek», - dedi ol.
Foto ashyq derekkózden alyndy.
