قوعام قايراتكەرى ورازكۇل اسانعازى وتباسى كۇنى اياسىندا ۇلتتىق تاربيە بەرۋ مەن وتباسى قۇندىلىقتارىن نىعايتۋ ماسەلەلەرى بويىنشا ونلاين وتكەن دوڭگەلەك ۇستەل بارىسىندا ورىسشا وقىتاتىن ءبىلىم مەكەمەلەرىندەگى قازاق ءتىلى ماسەلەسىن كوتەردى دەپ جازادى Baq.kz.
«ورىس مەكتەبىنىڭ وزىندە سىنىپتان تىس، دالىزدەگى اڭگىمە قازاقشا بولۋى كەرەك. ماقۇل، ءبىز ءبىر مەكتەپ ەمەس، ءتورت بۇرىشىنا ءتورت مەكتەپ قالدىرايىق. قالعاندارىنىڭ بارلىعى قازاق مەكتەبى بولۋى كەرەك. مەكتەپتەردى قازاقشالاۋ ءۇشىن اتا-انالارمەن مەكتەپ جۇمىس ىستەۋى كەرەك. وتباسىنى كىم تاربيەلەيدى؟ وتباسىنى ۇستاز تاربيەلەيدى. ۇستاز بەدەلى بۇيرىقپەن، زاڭمەن كەلمەيدى. ونىڭ بەدەلى ءبىلىمىنىڭ جوعارى ەكەنىن اتا-انا الدىندا دالەلدەيدى»، - دەدى ول.
ورازكۇل اسانعازى ءبىلىم جانە عىلىم ءمينيسترى اسحات ايماعامبەتوۆكە ءوتىنىش جاسادى.
«ەمتيحان الاتىن بولسا، ورىس ءتىلى سىنىبىندا وتىرعان 90 پايىز قازاقتىڭ 9 اۋىز ءسوز قازاقشا بىلمەيتىنى بار. زياتكەرلىك مەكتەپتىڭ ورىس ءتىلى سىنىبىندا وتىرعانداردىڭ اراسىندا قازاقشا ءبىر ءسوز بىلمەيتىن وقۋشىلار بار. مەن كوللەدجدەردىڭ اككرەديتتەۋ كەڭەسىنىڭ مۇشەسىمىن. 50 توپتا ءبىر قازاق توبى جوق كوللەدجدەر بار. سوندا ول وقىتىپ شىعارعان دارىگەر، سلەسار، مال دارىگەرى قاشان قازاقشا ۇيرەنەدى؟ سول كەزدە ۇيرەنبەگەندە»، - دەدى ول.
قوعام قايراتكەرى ءبىلىم جانە عىلىم ءمينيسترى ءتىلدى جونگە قويۋ ءۇشىن ىستەيتىن جۇمىس بويىنشا بۇيرىق شىعارۋى كەرەگىن ايتتى.
«ورىس مەكتەبىنىڭ دە، ارالاس مەكتەپتىڭ ديرەكتورى دە قازاقشا ءبىلۋى كەرەك. بۇيرىق شىعارماسا، ۇندەمەيدى. سويلەسكەندە قازاقشاعا ىڭعايى جوق ديرەكتورلاردى باسى التىن بولسا دا، ديرەكتورلىققا قويماۋ كەرەك. ۇلتجاندى ەمەس ادامدى ديرەكتورلىققا مۇلدەم وتىرعىزباۋ كەرەك»، - دەدى ول.
فوتو اشىق دەرەككوزدەن الىندى.
