Sizdiń shynaıy minezińiz qandaı? Bul suraq ózgeler túgili ózińizge de qyzyqty bolýy múmkin. Eger bilgińiz kelse, ishki jan-dúnıeńizdiń esigin qaǵyp, júrek túkpirinde jatqan qalaýyńyz ben shynaıy bet-beıneńizdi anyqtap kórińiz. Aldymen siz qaı esikti tańdar edińiz?
Kóp oılanbastan kózińizge birden túsken, jáne ózińizge unaǵan tómendegi sýrettegi esikterdiń birin tańdańyz. 
Tańdap bolǵan bolsańyz, esikti ashyp, ózińiz jaıly qyzyqty aqparattardy bilińiz. Sonymen sizdiń shynaıy minezińiz qandaı?
№1 Esik
Eger siz birinshi esikti qaqqan bolsańyz, siz tabıǵatyńyzdan óte shydamdy adamsyz. Ózgelerdiń jaǵdaıyn óte jaqsy túsinesiz. Jáne janyńyzǵa jaqyn adamdardyń basyna túsken qıyndyq sizdi beı-jaı qaldyrmaıdy. Siz de bos ýaqyt degen bolmaıdy. Bola qalǵan kúnniń ózinde de sizden kómek surap kelgen adamnyń sharýasyn sheshýge bos ýaqytyńyzdyń barlyǵyn arnaısyz. Aınalańyzda bolyp jatqan oqıǵalardyń eshbiri sizdiń qatysýyńyzsyz ótpeıdy. Bir sózben aıtqanda siz ózińiz úshin emes, ózgeler úshin jaratylǵan jansyz. Sizdiń júregińiz názik, bolmysyńyz erek. Minezińiz ashyq, jarqyn kóńilińizben adamdardy tez baýrap alatyn kúshke ıesiz. Bálkim, bir sátke bolsa da ózińizge kóńil bólersiz? Sizge aıtar keńesimiz, bir kúnińizdi ózińizge arnańyz. Saıahattańyz, tynyǵyńyz, kitap oqyńyz, jaqsy fılm kórińiz.
№2 Esik
Ekinshi esikti ashqan bolsańyz, siz qarapaıym adam emessiz. Boıyńyzda shyǵarmashylyq daryn bar. Aınaladaǵy bolyp jaqtan oqıǵalardyń barlyǵy sizdi beı-jaı qaldyrmaıdy. Tipti bolmashy ózgeristiń ózi sizge erekshe shabyt syılaıdy. Sizdiń erekshe darynyńyz ben kóp qyrly qabiletińizge ózgeler qyzǵanyshpen qaraıdy. Tipti olardyń qatarynda dostaryńyz da bar. Sándi kıinesiz, sońǵy sán úlgisindegi kıimderdi úılestire bilesiz. Shyǵarmashylyqtan bólek ártistik qabiletińiz bolǵandyqtan, aınaladaǵy adamdarǵa erekshe áser qaldyrasyz. Sizdi ońaı umyta salý qıyn. Eger qazirgi mamandyǵyńyz teatr, kıno, shyǵarmashylyq salasyna qatysty bolmasa, oılanyp kórersiz. Óıtkeni erekshe daryndy tunshyqtyrýǵa bolmaıdy.
№3 Esik
Úshinshi esikti uıymdastyrýshylyq qabileti basym adam ashady. Sizdiń ishki túısigińiz jaqsy damyǵan. Sonyń arqasynda ómirlik jolyńyzdy jańylmaı taýyp kelesiz. Esepke jáne qundy qaǵazdarmen jumys isteýge shıraqsyz. Aýqymdy jobalardy aıaǵyna deıin jetkizip, jeńisti qanjyǵańyzǵa ońaı baılaýǵa beıimsiz. Aldyńyzda otyrǵan adamnyń oıyn tez oqyp qoıasyz. Sol sebepti sizdi aldap, taqyrǵa otyrǵyzý óte qıyn. Ózgelerge ne kerek ekenin jaqsy bilesiz. Maqsatyńyz aıqyn. Tipti sátsizdikterdiń ózin, eńseńizdi tik ustaǵan kúıi jeńil qabyldaısyz. Dostaryńyzdyń ózi sátsizdikke ushyrasa sizdiń qoldaýyńyzǵa zárý. Óıtkeni siz árdaıym «Dostym, eńseńdi túsirme! Qıyndyqtyń barlyǵyn birge eńseremiz» dep shabyttandyrasyz. Sizge keńesimiz, osy qalpyńyzdan tanbańyz.
№4 Esik
Tórtinshi esiktiń ıesi óte qupııa adam. Ózińiz jaıly ózgelerdiń sóz tasyǵanyn asa unatpaısyz. Siz aǵyspen júrýge kónbeısiz. Ómirde óz jolyńyzdy naqty aıqyndaǵan bolsańyz, aǵysqa qarsy júzýge de daıynsyz. Aınalańyzǵa synı kózqaraspen qaraısyz. Sizdiń damýyńyz ben jetistikke jetýińizge kedergi bolatyn adamdarmen birden qoshtasasyz. Tipti dostaryńyzdyń ózi sizdiń irikteýińiz ben synyńyzdan ótken. Óıtkeni siz motıvaııa syılaıtyn adamdarmen joldas bolǵandy unatasyz. Ishki syryńyzdy kóp asha bermeısiz. Alaıda boıyńyzdaǵy eń jaqsy qasıetterdiń biri janyńyzdaǵy adamdardyń qatelikke urynaryn aldyn ala sezip otyratyndyǵyńyzda. Jáne qatelik jasaýlaryna jol bermeısiz. Olar sizdiń eskertpeńizdi eskergileri kelmegenmen, sizdiń eshqashan qatelespeıtinińizdi biledi. Sol sebepti sizdi tyńdaýǵa májbúr. Óıtkeni siz týrasyn aıtatyn, birbetkeı adamsyz. Al, týra bıde týǵan joq.
"Adyrna" ulttyq portaly
