Ashat AIMAǴAMBETOV: Men kópbalaly otbasynda dúnıege keldim

24526
Adyrna.kz Telegram

Birneshe jyldan beri elimizde qyrkúıek aıynyń ár ekinshi jeksenbisi Otbasy kúni atap ótilýde. Osy merekege oraı Bilim jáne ǵylym mınıstri Ashat AIMAǴAMBETOV Facebook paraqshasynda óz otbasy jaıly jazba jarııalap, otandastarymyzdy merekemen quttyqtady.

Ashat Aımaǵambetov: Ádette jeke ómirim týraly aıtpaıtynmyn, biraq búgin jazýdy uıǵardym.

Men kópbalaly otbasynda dúnıege keldim: menen bólek otbasymyzda taǵy bes bala bar. Ákem 6 jasymda qaıtys boldy, keıin anamyzǵa barlyq aýyrtpashylyqty eńserýge týra keldi. Sol kezde anam 40 jasqa da tolmaǵan edi, biraq maǵan jasy kelgen kisi sııaqty kórinetin. Ony óziń sol jasta bolǵanda ǵana jaqsy túsinedi ekensiń.

Odan keıin qıyn kezeń,  90-jyldar bastaldy. Anamyzǵa óte qıyn bolǵanyn bilemin. Aýylda turdyq, anamyz jumystan bólek bizben, sharýashylyqpen aınalysty.

Bir-birimizge kómektestik. Sý tasydyq, sharýashylyqqa aralasyp, malǵa shóp daıyndadyq, pesh jaqtyq. Úıdegi eresekter artynan ergen baýyrlaryna úıretti, al kishiler úlkenderge kómektesti. Bul qıyn kezeńniń maǵan úıretkeni mol, ásirese jaqyndarymnyń, otbasymnyń qanshalyqty qymbat ekenin uǵyndyrdy.

Men – eki balanyń ákesimin. Jumystan keıin balalaryń men jaryń úıde qarsy alǵanda barlyq qıyndyqty umytasyń. Áńgimelesip, balalarmen birge oınaǵannan sharshaǵanyń basylady, raqattanyp qalasyń.

Jigerlendirip, kúsh-qaırat beretin de – otbasym.

Jaqyndarymyzdy baǵalaıyq.

“Otan otbasynan bastalady” deıdi dana halqymyz. Ár otbasynyń damýy arqyly elimiz de gúldene beredi.

Mereke qutty bolsyn, dostar!

Barlyǵyńyzǵa zor densaýlyq, otbasylaryńyzǵa bereke tileımin!- dep quttyqtady.
Aıta keteıik, 2013 jyly Qazaqstan Respýblıkasynyń tuńǵysh Prezıdenti Nursultan Nazarbaevtyń «Qazaqstan Respýblıkasyndaǵy kásiptik jáne ózge de merekeler týraly» Zańǵa ózgertýler engizý jónindegi Jarlyǵyna sáıkes, qyrkúıek aıynyń ekinshi jeksenbisi - Otbasy kúni bolyp bekitilgen bolatyn.

Foto ashyq derekkózden alyndy

“Adyrna” ulttyq portaly

Pikirler