Qazaqstanda Timur Qūlybaevtyŋ Halyk qaiyrymdylyq qory men Ekologiia jäne tabiǧi resurstar ministrlıgı bırlesıp jüzege asyryp jatqan «Halyk Ormany» ekologiialyq bastamasy aiasynda millionynşy köşet egıldı.
Būl – elımızdegı keiıngı jyldardaǧy eŋ auqymdy ekologiialyq jetıstıkterdıŋ bırı. Aituly oqiǧa 2026 jylǧy 25 säuırde, Memleket basşysy Qasym-Jomart Toqaevtyŋ ūlttyq ekologiialyq kün tärtıbın qoldau maqsatynda bastamaşy bolǧan Jalpyūlttyq aǧaş egu künı aiasynda öttı. Mereilı köşettı Astananyŋ jasyl beldeuınde Astana IT University studentı otyrǧyzdy.
Bır million köşet mejesıne jetken joba 2026 jylǧy 22 säuırde Astanada ötken RES 2026 EXPO alaŋynda halyqaralyq deŋgeide de moiyndaldy. «Tūraqty damu jönındegı kün tärtıbınıŋ köşbasşylary – qalalar men kompaniialar» paneldık sessiiasynda Timur Qūlybaevtyŋ Halyk qaiyrymdylyq qory men Ekologiia jäne tabiǧi resurstar ministrlıgınıŋ bırlesken bastamasy orman ekojüiesın qalpyna keltıruge baǧyttalǧan jüielı jūmystyŋ, sondai-aq, memleket, käsıp jäne qoǧam arasyndaǧy tiımdı ärıptestıktıŋ ülgısı retınde atap ötıldı.
Sammittıŋ ıskerlık baǧdarlamasymen qatar, joba naqty ıske asyryluyn jalǧastyrdy. Biyl «Halyk Ormany» jobasynyŋ köktemgı otyrǧyzu mausymy Astananyŋ jasyl beldeuınde bastaldy. Sondai-aq köşetter «Semei ormany» memlekettık orman tabiǧi rezervaty men Ile-Alatau memlekettık ūlttyq tabiǧi parkınıŋ aumaǧynda da otyrǧyzyldy.
Timur Qūlybaevtyŋ Halyk qaiyrymdylyq qory bastamaşy bolǧan «Halyk Ormany» jobasy Qazaqstannyŋ orman qoryn qalpyna keltıruge baǧyttalǧan eŋ ırı ekologiialyq bastamalardyŋ bırıne ainaldy. Joba ıske qosylǧan sätten bastap eldıŋ üş öŋırınde 240 gektar aumaqqa 800 myŋnan asa köşet egıldı. Al köktemgı mausym qorytyndysy boiynşa būl körsetkış bır millionnan asty.
«Halyk Ormany» Qazaqstandaǧy ekologiialyq bastamalardyŋ jaŋa ülgısın qalyptastyryp otyr. Iаǧni joba bır rettık aksiiamen şektelmei, naqty nätijesı ölşenetın jüielı ärı ūzaq merzımdı jūmysqa negızdelgen.
Būl jūmystar Halyk qaiyrymdylyq qorynyŋ keŋ auqymdy ekologiialyq baǧytynyŋ bır bölıgı sanalady. Qordyŋ būl saladaǧy jūmysy üş negızgı ūstanymǧa negızdelgen: ömır sapasyn arttyru, taza aua jäne tūraqty damu. Basty maqsat – adamdarǧa jaily ortada ömır süruıne mümkındık jasau.
2026 jyly jobaǧa jaŋa serıktester qosyldy. Olardyŋ qatarynda FlyArystan äue kompaniiasy men EUROBAK Europalyq biznes-qauymdastyǧy bar. Osy ärıptestık aiasynda qosymşa 55 gektar jerge 190 myŋ köşet otyrǧyzu josparlanyp otyr.
Halyk qory jobanyŋ bastamaşysy ǧana emes, ony üilestırıp otyrǧan negızgı ūiym retınde de jūmys ısteidı. Qor ekologiialyq kün tärtıbı aiasynda memleket, biznes jäne qoǧamnyŋ bırlesıp äreket etuıne mümkındık beretın tūraqty alaŋ qalyptastyryp otyr. Sonyŋ arqasynda bastamaǧa erıktıler, studentter, käsıpkerler men qoǧamdyq ūiymdar belsendı qatysyp jatyr. Köktemgı aǧaş egu jūmystaryna Astana IT University studentterı, NNEF qoǧamdyq qorynyŋ qoldauymen «Miras» mektebınıŋ oquşylary, Halyk Bank qyzmetkerlerı, sondai-aq, öŋır tūrǧyndary atsalysty.
«Būl - men üşın zor maqtanyş. Bız būl bastamaǧa jai ǧana aǧaş otyrǧyzu üşın emes, el bolaşaǧyna beijai qaramaityn azamat retınde keldık. Tabiǧatty qorǧau ärqaisymyzdyŋ boryşymyz», - dedı millionynşy köşettı ekken Astana IT University studentı Asyljan Abdullaev.
Timur Qūlybaevtyŋ Halyk qaiyrymdylyq qorynyŋ bas direktory Saǧynbek Şünkeevtıŋ aituynşa, joba ūzaq merzımge josparlanǧan.
«Jobanyŋ basty maqsaty - bes jyl ışınde 9 million köşet pen şybyq egu. Millionynşy köşet biylǧy alǧaşqy maŋyzdy beles. Bız osy baǧyttaǧy jüielı jūmysymyzdy jalǧastyra beremız. Äsırese, Ekologiia ministrlıgımen bırge qolǧa alǧan bastamamyzǧa halyqaralyq jäne otandyq ūiymdardyŋ qoldau bıldırıp jatqany köŋıl quantady», - dedı ol.
Aita keteiık, «Halyk Ormany» jobasy 2025 jylǧy küzde Timur Qūlybaevtyŋ Halyk qaiyrymdylyq qory men Ekologiia jäne tabiǧi resurstar ministrlıgı arasynda yntymaqtastyq turaly memorandumǧa qol qoiylǧannan keiın bastau alǧan. Memorandum aiasynda qor 1 mlrd teŋge bölıp, «Semei ormany» memlekettık tabiǧi rezervaty, Ile-Alatau ūlttyq tabiǧi parkı jäne elordanyŋ «Jasyl aimaq» jasyl beldeuı aumaqtarynda 9 millionnan asa aǧaş otyrǧyzudy josparlap otyr.
Osylaişa, «Halyk Ormany» jai ǧana ekologiialyq joba emes, eldıŋ ūzaq merzımdı damu baǧyty jolynda memleket, biznes jäne qoǧamdy bırıktıretın tūraqty alaŋǧa ainalyp keledı.
