Aqjarqyn Turlybaıdy elge qaıtarý úshin onyń jazbasha ótinishi kerek. Al mundaı ótinish Bas prokýratýraǵa áli túspegen.
Bas prokýrordyń orynbasary Marat Ahmetjanov Qytaıda ómir boıyna bas bostandyǵynan aıyrylǵan Aqjarqyn Turlybaıdy ekstradıııalaý tártibin túsindirdi, dep habarlady Sputnik Qazaqstan tilshisi.
"Oǵan qatysty sot úkimi zańdy kúshine endi. Bizde Qytaı Halyq Respýblıkasymen sottalǵan adamdardy berý týraly kelisim bar. Aldymen Aqjarqyn Turlybaıdyń ózi jazasyn Qazaqstanǵa óteýge kelisim berip, jazbasha ótinish berýi kerek. Odan keıin biz ekijaqty kelisim boıynsha QHR-dyń prokýratýrasyna sottalǵan azamatymyzdy berý týraly habarlama jiberemiz", - dedi Ahmetjanov ortalyq kommýnıkaııalar qyzmetinde ótken onlaın brıfıngte.
Onyń aıtýynsha, Aqjarqyn Turlybaıdyń tarapynan jazbasha ótinish áli túsken joq. Biraq ony elge qaıtarýǵa tolyq múmkindik bar.
"Ol jaqta Aqjarqyn ómir boıyna bas bostandyǵynan aıyryldy. Biz de osy qylmys úshin ózimizde qandaı sankııa bar ekenin qaraımyz. Mysaly, Qazaqstanda Qylmystyq kodekstiń 297-baby, ıaǵnı, esirtkini tasymaldaý men satý boıynsha ómir boıyna bas bostandyǵynan aıyrý jazasy da qarastyrylǵan. Eger onyń áreketi soǵan sáıkes kelse, onda, menińshe, barlyq materıaldy zerdelep shyqqannan keıin ony Qazaqstanda jazasyn óteý úshin ekstradıııalaýǵa tolyq múmkindik bar", - dep atap ótti Ahmetjanov.
Appelıaııalyq alqa óz sheshimin shyǵardy
Ótken jyly Gýanchjoý qalasynyń halyq soty esirtki kontrabandasy úshin aıyptalǵan qazaqstandyq Aqjarqyn Turlybaıdy ómir boıyna bas bostandyǵynan aıyrý týraly úkimdi ózgerissiz qaldyrǵan bolatyn. Qorǵaýshy tarap sot úkimine shaǵym jasady. Biraq taıaýda apellıaııalyq ınstanııa sottyń sheshimin taǵy ózgerissiz qaldyrdy.
Búginde Aqjarqyndy Qazaqstan Respýblıkasy men Qytaı Halyq Respýblıkasy arasynda sottalǵan adamdardy berý týraly kelisimmen ekstradıııalaýǵa múmkindik bar. Osy qujat 2015 jyly kúshine engen bolatyn. Oǵan sáıkes, Aqjarqyn Turlybaıǵa qatysty úkimdi oryndaýdy Qytaı ıýrısdıkııasynan Qazaqstanǵa berýdi qoldanýǵa bolady.
Sottalǵan azamatty berý boıynsha kelissózder Qazaqstan Bas prokýratýrasy men QHR ýákiletti organy arasynda júrgiziledi.
Aqjarqyn Turlybaıdyń isi
Qazaqstan azamaty Aqjarqyn Turlybaı 2014 jyly naýryzda Gýanchjoý áýejaıynda ustalǵan bolatyn. Oǵan shekaradan 4,5 keli esirtkini alyp ótpek boldy degen aıyp taǵyldy. Ol kezde otandasymyz 20 jasta bolǵan edi. 2015 jyldyń maýsymynda Qytaı soty ony ómir boıyna bas bostandyǵynan aıyrdy. Sotta Aqjarqyn sheteldik dosy aldap ketkenin aıtyp, kinásin moıyndaǵan joq.
2016 jyly sot sheshimi joıylyp, is qaıta qaraýǵa jiberildi.
2019 jyly Turlybaıdyń anasy Zýhra Seıtimova Qazaqstan prezıdentine kómek surap hat jazdy.
Keıin Qasym-Jomart Toqaev Qytaıǵa sapary kezinde Aqjarqyn Turlybaıdyń máselesin kótergen bolatyn.
Qazaqstannyń Qytaıdaǵy elshiliginiń málimetine súıensek, Turlybaı qasyndaǵy sottalǵandarǵa aǵylshyn tilin úıretip júr. Sonymen qatar, kórkem ádebıet oqıdy, dene shynyqtyrýmen de aınalysady. Qytaı tilin jaqsy meńgerip alǵan.
