Prezıdent Qasym-Jomart Toqaev mádenıet jáne sport mınıstri Aqtoty Raıymqulovany qabyldady, - dep habarlaıdy "Adyrna" tilshisi Aqordaǵa silteme jasap.
Qasym-Jomart Toqaevqa mınıstrlik qyzmetiniń qorytyndylary, atap aıtqanda, mádenıet, sport, týrızm, til saıasaty, onomastıka máseleleri, arhıvter boıynsha atqarylǵan jumystar jaıynda baıandaldy. Sonymen qatar Memleket basshysynyń buǵan deıin bergen tapsyrmalarynyń nátıjeleri týraly esep berildi.
Mádenıet jáne sport mınıstri buqaralyq sportty damytý jumystary qarqyndy júrip jatqanyn atap ótip, mádenıet qyzmetkerleriniń eńbek aqysyn kóbeıtý maqsatynda qolǵa alynǵan bastamalar týraly aıtty. Qazirdiń ózinde mádenıet qyzmetkerleriniń jalaqysy jergilikti jerlerde 35%, al respýblıkalyq deńgeıde 50% artqan. Budan bólek, mınıstrliktiń pandemııa kezinde ótkizgen onlaın sharalary jóninde de málimet berdi.
Sonymen qatar Aqtoty Raıymqulova Prezıdentke qazaqstandyq sportshylardyń aldaǵy Olımpıada oıyndaryna daıyndyǵy, jańadan ashylǵaly jatqan Týrızm jáne meımandostyq ýnıversıtetiniń jumysy jaıynda aıtty.
Kezdesý sońynda Qasym-Jomart Toqaev bıylǵy Joldaýda aıtylǵan basym baǵyttardy tıisti deńgeıde júzege asyrýǵa, el arasynda buqaralyq sportty keńinen nasıhattap, ony odan ári damytýǵa qatysty naqty tapsyrmalar berdi.
Sondaı-aq latyn álipbıin engizý máselesinde asyǵystyq jasamaı, jumysty ǵalymdarmen jan-jaqty saraptaı otyryp júrgizý kerek ekenin atap ótti.
"Adyrna" ulttyq portaly
