Kitapsyz bilim alǵan stýdentten bilikti maman shyǵa ma?

2328
Adyrna.kz Telegram

1 qyrkúıek degende birden sý jańa mektep formasyn kıip, qushaǵyna qushaq-qushaq gúl  qysyp, alǵashqy qońyraý syńǵyryn estýge qobaljyp mektepke asyqqan oqýshylar elesteıdi. Bıylǵy oqý jyly onlaın formatqa kóshkendikten munyń biri de bolmady. Jańa oqý jylynyń bastalǵanyn oqýshylar áli de sezine almaı jatqany ras. Endi biri dástúrli oqý formatyna kóshkisi kelip, jylap jatsa, keıbiri, sabaqtyń durys ótpeıtinine qýanyp, onlaın oqý olarǵa maıdaı jaǵyp jatyr.

40 mınýtyń ózi sabaq túsindirip, úı jumysyn tekserýge jetpeı jatqanda, onlaın oqý kezinde sabaqtardyń 30 mınýtqa qysqarǵany oqýshylar men muǵalimderdi, qosa alǵanda ata-analardy da ábigerge saldy. Internettiń jyldamdyǵynyń nasharlyǵy, onlaın oqý úshin arnalǵan platformalar men jeliler qyzmetiniń áli de durys jetilmegendigi, tehnologııadan asa saýattyń joqtyǵy sabaqtyń jarty ýaqytyn alady. Oqýshylar qaı ýaqytta bilim alyp úlgeredi?

 Prezıdent Joldaýynda:

«Sapaly bilim alý úshin ádettegideı sabaqqa qatysyp, muǵalimdermen jáne synyptastarymen aralasýdyń orny bólek. Sondyqtan sanıtralyq talaptardy saqtaı otyryp, bilim alýdyń qalyptasqan dástúrli tásiline qaıta kóshýdiń tártibin ázirlegen jón. Bul ásirese mektepter úshin mańyzdy.»

Stýdentterdiń jaǵdaıy ne bolmaq?

Orta mektepti bitirip, úlken ómirge aıaq basqan stýdentter tórt qabyrǵaǵa qamalyp, uıaly telefonǵa telmirip tizginin ustar bolashaq mamandyǵyna onlaın otyryp daıyndala ma? Bolashaq jastardyń qolynda. Maman ıesi bolyp, óz isin súıýge stýdentterdi onlaın dáris oqyp emes, aýdıtorııada betpe-bet bilikti muǵalimder men professorlar daıyndaý kerek.

Oqýshylardy mektep kitaphanasyndaǵy kitappen qamtydy. Stýdentter bilim kózin, ıaǵnı, kerekti kitaptardy alý úshin aýylynan bilim alatyn oqý ordasyna kelip kitaptaryn alyp kete almaıtyndyǵy anyq. Mundaı jaǵdaıda stýdentter kitapsyz, ınternettegi ótirik-shynyn bilmeıtin derektermen sýsyndaıdy ma?

    Prezıdent Joldaýda atap ótkendeı, bıliktegiler dástúrli oqý formatyna aýysyýdyń tártibin ázirlep, aldaǵy ýaqytta stýdentter men oqýshylar sapaly bilimdi tıisti orny partada otyryp alady degen senimdemiz. Onlaın oqýdan  mezi bolǵan stýdentter men oqýshylarǵa shydamdylyq tileımiz!

 

Laýra TURSYNJAN,

"Adyrna" ulttyq portaly

Pikirler