Bılım jäne ǧylym ministrı Ashat Aimaǧambetov mūǧalımderdıŋ jalaqysy 25 paiyzǧa köbeietının, 2025 jylǧa qarai 6 jasqa deiıngı balalardy balabaqşamen 100 paiyzǧa qamtudy josparlap otyrǧanyn aitty.
Prezidenttıŋ mūǧalımderdıŋ jalaqysyn 2021 jyly 1-qaŋtardan bastap 25 paiyzǧa arttyru tapsyrmasy boiynşa tiıstı qarajat biudjet jobasynda tolyǧymen qarastyryldy. Būǧan qosa memleket basşysynyŋ tapsyrmasy aiasynda qyrküiek aiynan bastap däpter tekseruşınıŋ üstemaqysy 2 esege, synyp jetekşı üşın alatyn üstemaqy 2 esege, magistr därejesı bar mūǧalımder 27 myŋ teŋge kölemınde jaŋa üstemaqy alatyn bolady, – dedı ükımet otyrysynda Ashat Aimaǧambetov.Ashat Aimaǧambetov būǧan deiın mūǧalımderge qatysty qūqyq būzuşylyqtar men pedagogikalyq etikany öreskel būzuǧa baǧyttalǧan dauly mäselelerdı qarastyratyn arnaiy alqaly organ qūrudy josparlap otyrǧanyn aitqan. "Memleket basşysy Qasym-Jomart Toqaev ministrlıkke «Pedagog märtebesı turaly» Zaŋ normalaryn ıske asyru boiynşa atqarylyp jatqan jūmysty jalǧastyrudy tapsyrdy. Atalǧan qūjattyŋ maŋyzdy erejelerınıŋ bırı – pedagogtı mındetıne jatpaityn funksiialarǧa tartudan qorǧau, orynsyz eseptılıkten bosatu. Būl normalar jaŋa oqu jyly qarsaŋynda öte özektı. Ministrlıktıŋ osyǧan qatysty qataŋ ūstanymdaryna qaramastan, ökınışke orai, osy erejelerdı būzu faktılerı älı de kezdesedı. Osydan bırneşe apta būryn Lengır mektep-internatynda äkımşılık ıs qozǧaldy, onda pedagogterdı lauazymdyq mındetterıne kırmeitın jūmystarǧa tartqan. Bılım salasynda sapany qamtamasyz etu departamentı oqiǧa ornyna baryp, qyzmettık tekseru jürgızdı. Faktıler rastaldy jäne mektep direktorynyŋ m.a. äkımşılık jauapkerşılıkke tartyldy. Būǧan deiın Türkıstan oblysy Kentau qalasyndaǧy Molda Mūsa atyndaǧy mektepte de qyzmettık tekseru jürgızıldı. Onda mūǧalımdı mekteptı jöndeu jūmystaryna tartqan. Atalǧan faktı tekseru barysynda rastaldy. Mektep direktorynyŋ mındetın atqaruşy da, Kentau qalalyq bılım bölımınıŋ qyzmetkerı de äkımşılık jauapkerşılıkke tartyldy. Jalpy osy qysqa uaqyttyŋ özınde Bılım salasynda sapany qamtamasyz etu jönındegı aumaqtyq departamentterge jüzden astam ötınış kelıp tüstı. Nätijesınde lauazymdy tūlǧalarǧa da, bılım aluşylardyŋ ata-analaryna da qatysty 30-dan astam äkımşılık jaza qoldanyldy. Būl jūmys tūraqty türde jürgızıletın bolady. Zaŋsyzdyqqa jol bergen jauapty tūlǧalarǧa qatysty şaralar mūnymen şektelmeidı. Äkımşılık jazalardan bölek, jūmystan bosatu turaly şeşımder de qabyldanady. Mūǧalımderdıŋ qūqyǧyn qorǧau – jergılıktı aumaqtyq organ basşylarynyŋ da, mektep direktorlarynyŋ da tıkelei mındetı. Pedagogterdıŋ qūqyqtaryn qorǧau turaly aitqanda, mūǧalımder öz mındetterın adal oryndau turaly da este saqtauy qajet. Öitkenı jaŋa Zaŋnyŋ talaptary da jaŋa. Pedagogikalyq qyzmetpen ainalysatyn ärbır jan jas ūrpaqqa ülgı bolyp, öz jūmysynda adamgerşılık qaǧidalary men moraldyq qūndylyqtardy basşylyqqa aluy tiıs. Mınez-qūlyq mädenietı, ädeptılık, adaldyq, adamnyŋ ar-namysy men qadır-qasietın qūrmetteu – pedagogikalyq etikanyŋ negızı. Osy qaǧidalardyŋ saqtaluyn baqylau üşın bız mūǧalımderge qatysty qūqyqbūzuşylyqtar men pedagogikalyq etikany öreskel būzu turaly dauly mäselelerdı qarastyratyn arnaiy alqaly organ qūrudy qarastyrudamyz. Būl – pedagogikalyq etika jäne mūǧalımderdıŋ qūqyqtaryn qorǧau jönındegı keŋes. Mūndai institut alǧaş ret pilottyq rejimde osy jyldyŋ tamyz aiynan bastap Nūr-Sūltan qalasynda jūmys ısteudı bastady. Bolaşaqta etika boiynşa Keŋester elımızdıŋ barlyq aimaǧynda qūryla alady. Olar bılım beru salasynda sapany qamtamasyz etu departamentterı janynda jūmys ısteitın bolady. Barlyǧymyz memlekettık qyzmetkerlerdıŋ Ädep jönındegı keŋesınıŋ tiımdı jūmysynyŋ kuäsı boldyq. Bızdıŋ jaŋadan qūrylǧan Keŋesterımızdıŋ qyzmetı sonyŋ ülgısı boiynşa ūiymdastyrylady. Mūnyŋ bärı – ülken bastama: är mūǧalım özınıŋ märtebesın maqtan tūtuy kerek. Yŋǧaily jaǧdaida jūmys ıstep, sapaly bılım beruı kerek. Öitkenı bızdıŋ balalarymyzdyŋ äl-auqaty men bılımı ūstazdardyŋ qolynda. «Alty Alaştyŋ igı jaqsysy bas qossa, tördegı oryn - ūstazdıkı» - degendei osy tarapta aldymyzda älı de bıraz jūmys bar ekenı belgılı."
