Bilim jáne ǵylym mınıstri Ashat Aımaǵambetov muǵalimderdiń jalaqysy 25 paıyzǵa kóbeıetinin, 2025 jylǵa qaraı 6 jasqa deıingi balalardy balabaqshamen 100 paıyzǵa qamtýdy josparlap otyrǵanyn aıtty.
Prezıdenttiń muǵalimderdiń jalaqysyn 2021 jyly 1-qańtardan bastap 25 paıyzǵa arttyrý tapsyrmasy boıynsha tıisti qarajat bıýdjet jobasynda tolyǵymen qarastyryldy. Buǵan qosa memleket basshysynyń tapsyrmasy aıasynda qyrkúıek aıynan bastap dápter tekserýshiniń ústemaqysy 2 esege, synyp jetekshi úshin alatyn ústemaqy 2 esege, magıstr dárejesi bar muǵalimder 27 myń teńge kóleminde jańa ústemaqy alatyn bolady, – dedi úkimet otyrysynda Ashat Aımaǵambetov.
Ashat Aımaǵambetov buǵan deıin muǵalimderge qatysty quqyq buzýshylyqtar men pedagogıkalyq etıkany óreskel buzýǵa baǵyttalǵan daýly máselelerdi qarastyratyn arnaıy alqaly organ qurýdy josparlap otyrǵanyn aıtqan.
"Memleket basshysy Qasym-Jomart Toqaev mınıstrlikke «Pedagog mártebesi týraly» Zań normalaryn iske asyrý boıynsha atqarylyp jatqan jumysty jalǵastyrýdy tapsyrdy.
Atalǵan qujattyń mańyzdy erejeleriniń biri – pedagogti mindetine jatpaıtyn fýnkııalarǵa tartýdan qorǵaý, orynsyz eseptilikten bosatý.
Bul normalar jańa oqý jyly qarsańynda óte ózekti.
Mınıstrliktiń osyǵan qatysty qatań ustanymdaryna qaramastan, ókinishke oraı, osy erejelerdi buzý faktileri áli de kezdesedi.
Osydan birneshe apta buryn Lengir mektep-ınternatynda ákimshilik is qozǵaldy, onda pedagogterdi laýazymdyq mindetterine kirmeıtin jumystarǵa tartqan.
Bilim salasynda sapany qamtamasyz etý departamenti oqıǵa ornyna baryp, qyzmettik tekserý júrgizdi.
Faktiler rastaldy jáne mektep dırektorynyń m.a. ákimshilik jaýapkershilikke tartyldy.
Buǵan deıin Túrkistan oblysy Kentaý qalasyndaǵy Molda Musa atyndaǵy mektepte de qyzmettik tekserý júrgizildi. Onda muǵalimdi mektepti jóndeý jumystaryna tartqan. Atalǵan fakti tekserý barysynda rastaldy. Mektep dırektorynyń mindetin atqarýshy da, Kentaý qalalyq bilim bóliminiń qyzmetkeri de ákimshilik jaýapkershilikke tartyldy.
Jalpy osy qysqa ýaqyttyń ózinde Bilim salasynda sapany qamtamasyz etý jónindegi aýmaqtyq departamentterge júzden astam ótinish kelip tústi.
Nátıjesinde laýazymdy tulǵalarǵa da, bilim alýshylardyń ata-analaryna da qatysty 30-dan astam ákimshilik jaza qoldanyldy.
Bul jumys turaqty túrde júrgiziletin bolady.
Zańsyzdyqqa jol bergen jaýapty tulǵalarǵa qatysty sharalar munymen shektelmeıdi.
Ákimshilik jazalardan bólek, jumystan bosatý týraly sheshimder de qabyldanady.
Muǵalimderdiń quqyǵyn qorǵaý – jergilikti aýmaqtyq organ basshylarynyń da, mektep dırektorlarynyń da tikeleı mindeti.
Pedagogterdiń quqyqtaryn qorǵaý týraly aıtqanda, muǵalimder óz mindetterin adal oryndaý týraly da este saqtaýy qajet. Óıtkeni jańa Zańnyń talaptary da jańa.
Pedagogıkalyq qyzmetpen aınalysatyn árbir jan jas urpaqqa úlgi bolyp, óz jumysynda adamgershilik qaǵıdalary men moraldyq qundylyqtardy basshylyqqa alýy tıis.
Minez-qulyq mádenıeti, ádeptilik, adaldyq, adamnyń ar-namysy men qadir-qasıetin qurmetteý – pedagogıkalyq etıkanyń negizi.
Osy qaǵıdalardyń saqtalýyn baqylaý úshin biz muǵalimderge qatysty quqyqbuzýshylyqtar men pedagogıkalyq etıkany óreskel buzý týraly daýly máselelerdi qarastyratyn arnaıy alqaly organ qurýdy qarastyrýdamyz.
Bul – pedagogıkalyq etıka jáne muǵalimderdiń quqyqtaryn qorǵaý jónindegi keńes.
Mundaı ınstıtýt alǵash ret pılottyq rejımde osy jyldyń tamyz aıynan bastap Nur-Sultan qalasynda jumys isteýdi bastady.
Bolashaqta etıka boıynsha Keńester elimizdiń barlyq aımaǵynda quryla alady. Olar bilim berý salasynda sapany qamtamasyz etý departamentteri janynda jumys isteıtin bolady.
Barlyǵymyz memlekettik qyzmetkerlerdiń Ádep jónindegi keńesiniń tıimdi jumysynyń kýási boldyq.
Bizdiń jańadan qurylǵan Keńesterimizdiń qyzmeti sonyń úlgisi boıynsha uıymdastyrylady.
Munyń bári – úlken bastama: ár muǵalim óziniń mártebesin maqtan tutýy kerek. Yńǵaıly jaǵdaıda jumys istep, sapaly bilim berýi kerek.
Óıtkeni bizdiń balalarymyzdyń ál-aýqaty men bilimi ustazdardyń qolynda.
«Alty Alashtyń ıgi jaqsysy bas qossa, tórdegi oryn - ustazdiki» - degendeı osy tarapta aldymyzda áli de biraz jumys bar ekeni belgili."
