Talǧarda kısı qolynan qaza tapqan Şerzat Polattyŋ äpkesı Baqyt Reimova Qazaqstanda qaluy mümkın, dep habarlaidy "Adyrna" ūlttyq portaly.
Būl turaly äleumettık jelıde advokat Meiırman Şekeev pen bloger Jan Ahmadiev habarlady.
Almaty oblysynyŋ prokuraturasy Bas prokuraturanyŋ kelısımımen Joǧarǧy sotqa Baqyt Reimovany deportasiialamai, jazasyn basqa jolmen öteu turaly ötınış joldaǧan. Endı onyŋ elde qalu mäselesın Joǧarǧy sot şeşedı.
Eske salsaq, Baqyt Reimova bauyry Nūrǧanattyŋ qazasynan keiın «mitingke şaqyrdy» dep aiyptalyp 15 täulıkke qamalǧan edı.
Sondai-aq, basqa eldıŋ azamaty bolǧany üşın sot ony Qazaqstannan deportasiialau jönınde şeşım şyǧarǧan.
Baqyt Reimova elden şyǧarylsa, onyŋ kämeletke tolmaǧan ūly Meiırbek Reimov asyrauşysyz jalǧyz qaluy mümkın. Jetkınşek anasynan aiyrmaudy sūrap, prezidentke ündeu jasaǧan.
Advokat Meiırman Şekeev BŪŪ-nyŋ bala qūqyǧy turaly konvensiiasyna sai bala men anany ajyratuǧa bolmaitynyn eske saldy. Sonymen qatar, ol 1989 jyly qabyldanǧan būl talapty saqtauǧa Qazaqstan mındettı ekenın alǧa tartty.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz