Almaty oblysynda 18 kölık soqtyǧysqan ırı jol apaty boldy, dep habarlaidy "Adyrna" ūlttyq portaly.
15 qaŋtar künı taŋǧy saǧat 07:30 şamasynda Almaty – Öskemen avtojolynyŋ 28-şaqyrymynda (Almaty – Qonaev baǧyty) 18 kölıktıŋ qatysuymen jol-kölık oqiǧasy oryn aldy. Apat qoiu tūman kezınde oryn alǧan.
«Aldyn ala aqparat boiynşa, apatqa jürgızuşılerdıŋ jyldamdyq rejimın jäne naşar körınu jaǧdaiynda qauıpsız qaşyqtyqty saqtamauy sebep bolǧan. Apat bolǧan jol uchaskesı IA tehnikalyq sanatyna jatady, alty jolaqtan tūrady. Joldyŋ jüru bölıgı qūrǧaq, aqausyz jäne bögde zattarsyz bolǧan», – delıngen habarlamada.
Apat saldarynan zardap şekkender men qaitys bolǧandar joq. Oqiǧanyŋ män-jaiy anyqtaluda.
Aimaq polisiiasy barlyq jol qozǧalysyna qatysuşylarǧa saqtyq şaralaryn qataŋ saqtau qajettıgın eskertedı. Naşar körınu jaǧdaiynda jyldamdyqty tömendetu, qauıpsız qaşyqtyqty saqtau jäne jol qozǧalysy erejelerın qataŋ saqtau asa maŋyzdy.
Ūqsas jaŋalyqtar
