2 mıllıonǵa jýyq adam turaqty turatyn Almaty qalasy elimizdiń eń iri ekonomıkasy sanalady. Bıýdjetke túsetin túsimderdiń 23,4 paıyzy, bankterdiń kredıttik portfeliniń 62,4 paıyzy, el ishindegi saýda operaııalarynyń 38 paıyzy Almatyda júzege asyrylady. Qazaqstan ekonomıkasynyń 19,6 paıyzy Almatynyń enshisinde. Sonymen qatar, elimiz boıynsha jumys isteıtin halyqtyń shamamen 15 paıyzyn jumyspen qamtamasyz etedi. Qarjy ortalyǵy sanalatyn qalaǵa kúndelikti 500 myńǵa jýyq adam kirip-shyǵady. Sol sebepti Almaty ákimdigine ekonomıkalyq kórsetkishin jaqsarta túsý men ınfraqurylymyn damytýdyń túsýdiń mańyzy zor.
Burynǵy ákim ne istedi?
Qala ákimi bolyp Baqytjan Saǵyntaev kelgenge deıin Baýyrjan Baıbek halyqtyń júris-turysyna yńǵaıly birneshe ońtaıly sheshimder qabyldady. Onyń alǵashqysy – negizgi kóshelerde qoǵamdyq kólik jolaǵynyń salynýy. Bul óz kezeginde kóligi kóp megapolıstiń turǵyndaryna jeter jerine burynǵydan qaraǵanda tezirek jetýine septigin tıgizdi. Kólik apaty azaıdy. Ortalyq kóshelerdiń boıynan velojoldar ashyldy. Panfılov kóshesiniń syrt kelbeti ózgertilip, jaıaý júrginshilerge laıyqtaldy. Qazir bul kóshe serýen qurýshylar úshin óte qolaıly bolyp otyr.
Qala ortalyǵynda aqyly avtoturaqtardyń ashylýy men barlyq mekemelerdiń qorshaýlaryn alyp tastaýy, sondaı-aq qoǵamdyq kólikterdiń «Ońaı» tólem júıesine kóshirilýi syndy jumystar óz tıimdiligin dáleldedi. Sporttyq jáne mádenı nysandardyń salyný da qala kórkine sán qosyp, jurtshylyqtyń demalys ýaqytyn jaqsy ótkizýine jaǵdaı jasady. Atap aıtsaq, elegi epıdemıologııalyq jaǵdaıdy eseptemegende «Almaty-Arena», «Halyq-Arena» sporttyq nysandary men «Alataý» dástúrli óner teatry halyq ıgiligine qyzmet etýde.
Qazirgi ákimniń aldynda qandaı mindetter bar?
Tirshiligi qyz-qyz qaınaǵan Almatynyń bas aýyrtar bir tusy – ataqty «Altyn Orda» bazarynyń tas joly etin. Almaty qalasy men Qarasaı aýdanynyń turǵyndaryn baılanystyratyn (ári respýblıkalyq mańyzdy jol – red.) kúre jol keńeıtilip, halyq bıylǵy jyldyń sońyna deıin keptelis azabynan qutylatyn boldy. Mamandar «Altyn Orda» keptelisiniń joıýylýyn turǵyndarǵa jaılylyǵymen qatar ekonomıkalyq tıimdilik ákeledi dep boljap otyr.
Qazir qala basshylyǵynyń aldynda:
- shet aımaǵy joq qala;
- «aqyldy» qala;
- teń múmkindikter qalasy
- qaýipsiz qala;
- jahandyq iskerlik ortalyq
- mádenı kreatıvti qala sekildi josparlar bar.
Baqytjan Saǵyntaev "Almaty - 2050" strategııansynda qalany álemdegi eń damyǵan 100 qalanyń qataryna qosatynyn málimdegen.
"Adyrna" ulttyq portaly
